Жасөспірім құқығы және зиянды әдеттер

158

Жас ұрпақтың салауатты өмір салтын қалыптастырудағы ой өрісін дамыта отырып, есірткі, ішімдік және темекінің ағзаға тигізер әсері, келешек өмірлеріне оның зардаптары, адам ағзасына теріс әсері, құқықтық тәрбиенің өмірілік қажеттілігін оқушыларға түсіндіру мақсатын көздеген шара  қаламыздағы Абай атындағы мектеп-гимназиясында  ұйымдастырылды.

Мектеп-гимназияның директоры С.Долаев, директордың тәрбие ісі жөніндегі орынбасарлары  Д.Татенова, С.Тұрсынбаева, психологтар Б.Аталыкова, Г. Сатова, мектеп фельдшері С.Семенова, 9-11 сынып жетекшілері, мектеп инспекторы М.Қозыляс, мектептің қамқоршылық кеңес мүшесі Г.Қасымжанова,  ардагерлер алқасының мүшелері Ш.Әбдікеримов және  ШПБ жергілікті полиция қызметі бастығы, полиция майоры Б.Ж.Абдрахманов, , №4 мектеп инспекторы Т. Құсаинова, қатысып,  №1 ОМГ, №4 ОМ  9-11 сынып  оқушыларына тәлімді әңгіме жүргізді.

Мектеп директоры  С.Долаевтың жиынның модераторы болды. Өткізіліп отырған жиынның мақсатымен таныстырды. Оқушылардың зейінін байқау  мақсатында  білім ошағы  психологы Б. Аталыкова, Г. Сатова «Австралиялық жауын» тренингін өткізді.

 Ал мектеп  инспекторы М. Қозыляс «Жасөспірімдер арасындағы құқық бұзушылықтың алдын алу» тақырыбында  баяндама оқып, видеоролик көрсетіп, тәртіп бұзудың түбі неге әкеліп соғатыны жайлы айтып өтті.

 «Зиянды әдеттерден аулақ бол!» тақырыбында презентация мен бейнежазба көрсеткен №1 ОМГ фельдшері С. Семенова  шылым, ішімдіктің денсаулыққа әсері жайлы кеңінен тоқталды.  Шараға қатысқан қонақтар оқушыларға тәрбие  жайлы және өз өмірлерінен тәлімді әңгіме қозғады.

Бөлісу
Share on FacebookTweet about this on TwitterEmail this to someoneShare on VK