дереккөз

Өтенай ауылдық Мәдениет үйінде Қазақстан Республикасы Президентінің «Болашаққа бағдар: Рухани жаңғыру» мақаласы аясында «Шаңырағым- шаттығым» атты отбасылық байқау өтті. Қала күні қарсаңында  ұйымдастырылған байқауға Өтенай, Еңбек, Мойнақ ауылдарынан 4 отбасы қатысты.

Серікбол, Дүйсенбаев, Қанабеков, Сережа отбасылары  өздерін таныстырып,  сәлемдесумен байқау шымылдығын ашты.  Төрт кезеңнен  тұратын байқау тартысты өтті. «Таныстыру», «Сөз тапқанға қолқа жоқ»,  «Өнерліге өріс кең», «Үй тапсырмасы»  кезеңінде қатысушылар өздерін өлең жолдарымен, қара сөз оқып, көрініс түрінде таныстырды. Салт-дәстүр, мақал-мәтелдермен ой жарыстырып, өз өнерлерін ортаға салды. Ал үй тапсырмасында қатысушылар  өз қолдарымен жасаған қолөнер бұйымдарын  әділқазы алқаларына көрсетті.
Жарасымды отбасылардың арасынан   Өтенай ауылының ұстаздар отбасы Дүйсенбаевтар  бас жүлдеге ие болды.  Мойнақтық Серікбол,  Еңбек ауылынан келген Қанабековтар  және  Сережа отбасы жүлделі орындарға лайықты деп танылды. Жеңімпаздарға  алғыс хат пен бағалы сыйлықтар табысталды.

Бөлісу
Share on FacebookTweet about this on TwitterEmail this to someoneShare on VK