Азаматтар жеке мәліметтерін қамтамасыз ете алады

419
дереккөз

Енді  қазақстандықтар жеке мәліметтеріне қолжетімділікке тыйым сала алады. Бұл туралы жақында орталық коммуникациялар қызметінде өткен брифингте «Азаматтарға арналған үкімет» мемлекеттік корпорациясының басшысы Абылайхан Оспанов  жеткізген.  Сондай-ақ, аталған корпорацияның баспасөз қызметі берген мәліметте қазіргі уақытта «Ұлттық ақпараттық технологиялар» АҚ-мен бірлескен жұмыс  жүргізілуде.

«Жеке мәліметтердің қауіпсіздігін қамтамасыз ету үшін біз азаматтар өзі туралы жеке ақпаратты толықтай бақылай алатын жоба жасадық. Басқаша айтқанда, тіпті ХҚКО қызметкері де жеке мәліметтерді көре алмайды, операторлар қандай бір жеке мәліметтерге қол жеткізу үшін азаматтардың СМС рұқсатын алуы тиіс», — деген  Оспанов.

Бұл жоба екі кезең бойынша жүзеге асырылады. Алғашқы  кезеңде электрондық үкімет порталындағы жеке кабинетінде мәліметтерге қолжетімділікке тыйым салу функциясы іске қосылады. Әрбір портал қолданушылары осы функция арқылы өзінің жеке мәліметтеріне қолжетімділікті қоса алады және жауып тастай алады. Ал, тыйым салу функицясын тек жеке кабинет арқылы ғана жасауға болады.

Екінші кезең – жеке мәліметтерге қолжетімділікті жабу функциясын өшіру үшін СМС сервисті іске қосу. Яғни, егер қолжетімділік бұғатталған болса, азаматтың ЖСН-ның жүйеге енгізген кезде ХҚКО операторы қолжетімділікті ашу туралы СМС-хабарлама алады. Көрсетілетін қызметті алушыдан СМС-рұқсатын алған жағдайда ғана фронт-офис жұмыскері қандай да бір мемлекеттік қызметті көрсете алады.

Айта кету керек, бұл сервисті қолдану үшін қызмет алушы мобильді азаматтар базасына тіркелуі тиіс. Мұны электрондық үкімет порталындағы жеке кабинетте немесе кез келген ХҚКО-да жасауға болады.

Бөлісу
Share on FacebookTweet about this on TwitterEmail this to someoneShare on VK