Жетісу облысы ТЖД баспасөз қызметінің мәліметінше, сейсмикалық станциялар желісімен 2024 жылғы 23 қаңтарда Алматы уақытымен сағат 00:09-да жер сілкінісі тіркелген. Жер сілкінісінің эпицентрі Алматы қаласынан Оңтүстік-Шығысқа қарай 264 шақырым жерде Қазақстан аумағында (Қазақстан мен Қырғызстан шекарасында) орналасқан.
Анықталғандығы туралы мәліметтер (ДСМ-64 шкаласы бойынша): Алматы қаласында – 5 балл, алдын ала болжам бойынша Талдықорған қаласында 3.3 балл, Текелі қаласында 3.4 балл. Жетісу облысы ТЖД ақпаратын алу бойынша жергілікті атқарушы органдарға, Полиция департаментіне, Қазселденқорғау, Прокуратура және басқа да ұйымдарға хабарланған. Сеніп тапсырылған аумақтардағы жағдай нақтылануда, қираулар мен құрбан болғандар туралы хабарламалар түспеген. Жетісу облысы ТЖД базасында 8 (7282) 22-02-18 жедел телефоны желісі қосылған.
