Ашық есік күні

414
фото Д.Жаныс

Мемлекеттік қызметшілер күніне байланысты Талдықорған қаласында арнайы «Ашық есік» күні өтті. Мектеп оқушылары мен колледж студенттері шақырылған игі шараны шаһар әкімдігінің аппараты  ұйымдастырған. Мұндағы мақсат – ел ертеңі саналатын жас жеткіншектерге мемлекеттік қызметтің қыры мен сырын түсіндіріп, әр салада атқарылып жатқан жұмыс барысымен таныстыру.

фото Д.Жаныс

Жиналған қауым алданда сөз алған қала  әкімдігі кадр бөлімінің басшысы Азиза Маратқызы:  «Биыл  Елордасы Астанаға 20 жыл. Аталмыш мерейлі мереке қарсаңында аймақта ауқымды шаралар қолға алынуда. Осыған   байланысты көптеген іс-шаралар жоспары бекітілген. Ал, Астана туралы қысқаша шолу жасай кететін болсақ, өздеріңізге белгілі Елбасымыз Н.Ә.Назарбаевтың Жарлығымен  1997 жылы Ақмола қазақ елінің Астанасы болып жарияланып, 1998 жылы 10 маусымда жаңа Астананың халықаралық тұсауы кесілген болатын. Міне, содан бері мемлекеттік бағдарламалар аясында  толағай табыстар мен теңдесіз жетістіктерге жеттік. Сіздер бүгін арнайы қала әкімдігінің құрылымымен танысқалы келіп отырсыздар. Атап айтсақ,  бүгінде Талдықорған қаласы әкімдігінің құрамына 16 бөлім, екі ауылдық окург және әкім аппараты енеді. Мәселен, мұнда білім мен денсаулық, спорт пен мәдениет, жол құрылыс сынды басқа да  көптеген әлеуметтік салалар бар. Онда жалпы 155 мемлекеттік қызметкер өз мамандығы бойынша жұмыс жасайды. Соның ішінде мысалға, құрылыс бөлімін алып айтатын болсақ, қала құрылысының  өсіп-өркендеп дамуын қадағалау солардың құзырында. Басқа да салалардың өздерінің атқарып отырған жұмыстары бар» — деді. Осыдан соң  оқушылар мен студенттер әрбір бөлімдерді аралап көріп, әкімдікте атқарылатын жұмыс барысымен танысты. Сонымен қатар олар өздерінің көкейінде жүрген біраз сауалдарға жауап алып қайтты.

Бөлісу
Share on FacebookTweet about this on TwitterEmail this to someoneShare on VK