5 қыркүйек күні сағат 10:00-де Талдықорған қаласының іргесіндегі «Қызылтас – Тасбақа» шатқалында экопарктің алғашқы кезеңінің ашылу салтанаты өтеді.
Іс-шара сағат 09:00-де Қызылтас саяжайындағы автобус аялдамасынан басталатын велошерумен бастау алады.
Ашылу аясында қатысушылар үшін шатқалдағы көне петроглифтерге экскурсия ұйымдастырылып, экологиялық акция, қолөнер шеберлерінің жәрмеңкесі, этно-дефиле, ұлттық ойындар және басқа да мәдени-танымдық шаралар өтеді.
«Қызылтас – Тасбақа» экопаркін жаңғырту жұмыстары үш кезеңге жоспарланған. Қазіргі уақытта жобаның алғашқы кезеңі жүзеге асырылды. Алдағы уақытта экопарктің инфрақұрылымын кезең-кезеңімен дамыту көзделген.
Жобаның негізгі мақсаты – тарихи-мәдени мұраны сақтай отырып, «Қызылтас – Тасбақа» шатқалын қала тұрғындары мен қонақтары үшін қолайлы демалыс орнына айналдыру, сондай-ақ Талдықорғанның туристік әлеуетін арттырып, отандық және шетелдік туристер үшін тартымды бағыт қалыптастыру.
«Қызылтас – Тасбақа» шатқалы – тарихи мұраларға бай бірегей аумақ. Мұнда сақ дәуіріне тиесілі қорымдар мен тасқа қашалған 2 мыңнан астам көне петроглиф бар.
Өтетін күні: 5 қыркүйек
Велошеру: 09:00
Экопарктің ашылуы: 10:00
Өтетін орны: «Қызылтас – Тасбақа» шатқалы
Талдықорған қаласы әкімінің баспасөз қызметі
