Саркома-сирек кездесетін қатерлі ісік. Негізінен 60-70 жас аралығындағы адамдарда болатын барлық қатерлі ісіктердің шамамен 0,03% құрайды. Бұл туралы Өңірлік коммуникациялар қызметінің алаңында Талдықорған қаласы, облыстық көпсалалы клиникасының хирургия бөлімшесінің жетекші маманы Онищенко Максим Борисович хабарлады.
Жұмсақ тіндер саркомасының ең жиі кездесетін жерлері – аяқ-қолдарда, әсіресе жамбас бөлігінде және ретроперитонеальді аймақта. Бұл аурудың түрі бастапқы уақытта ауыртпашылық сезімін тудырмайды. Уақыт өте келе көлемі біртіндеп ұлғая бастайды. Саркомаларын емдеу әдетте ісіктің мөлшерін, орналасуын, қатерлі ісік дәрежесін және процестің таралу дәрежесін ескере отырып, хирургиялық араласуды және басқа әдістерді қамтитын аралас тәсілді қажет етеді.
Жоғары сараланған ісік және оны түбегейлі жою мүмкіндігі болған жағдайда, хирургиялық емдеу жолы жалғыз әдіс болып табылады. Алайда, көп жағдайда мұндай емдеу тиімді емес.
«Қазіргі заманауи диагностикалық әдіс, бұл ісіктің белгілі бір гистологиялық түріне тропикалық радиоизотоптық контрастты ПЭТ КТ құралы. Қазір елде бұл аппараттың 6 данасы бар», – деді Максим Борисович.
Саркоманың алдын алып, ісікті ерте анықтау үшін жұмсақ тіндерде күдікті белгілер немесе өсінділер байқалған кезде дәрігерге уақтылы бару қажет.
Тұрақты медициналық тексерулер, биопсиялар және саркоманың негізгі белгілері туралы халықтың жаппай хабардар болуы, осы қауіпті ісікпен сәтті күресуге ықпал етеді.
