Күні кеше Мемлекет басшысы Қасым-Жомарт Тоқаев әлемді алаңдатқан қатерлі індеттің таралу жағдайында қолданатын іс-шаралар турасында мәлімдеме жасады. Барлығымыз бүл індеттің қалай таралып жатқандығын бұқаралық ақпарат құралдарынан естіп, біліп отырмыз. Аурумен бетпе-бет келген  дәрігерлердің де, уақтылы ақпарат таратқан журналистердің де еңбегі ерен. Еңбек пен қажырлық ескерусіз қалмауы тиіс.

Елорда мен Алматы қалаларындағы студенттер қайтарылып,  онлайн режимдік оқуға көшірілді.  Енді, міне, оқушылар да қашықтықтан оқу  жүйесіне қосылуға дайындық жасалуда.  Көптеген мекемелер де  қашықтықтан жұмыс жасау тәсілін қолдануда. Мұның бәрі коронавирус індетіне  байланысты жасалып  отырған шаралар. Азаматтардың қауіпсіздігі мен денсаулығы  басты назарда.  Еліміздегі ауру жұқтырғандар саны күнделікті арта түсуде. «Біз, мемлекет және қоғам болып барша азаматтарымызға қолдау көрсетеміз, ешкімді көмексіз қалдырмаймыз. Мұқтаж адамдарға қол ұшын береміз. Бұған ешқандай күмән болмауы керек. Ең бастысы, шыдамдылық, төзімділік және жауапкершілік танытайық.

Біз – рухы асқақ, бірлігі бекем, еңсесі биік халықпыз. Сондықтан, бұл сынақтан да сүрінбей өтіп, қиындықты бірге еңсереміз деп сенемін»,-деді ел Президенті Қ. Тоқаев. Сондықтан да, мемдекет басшысы атап көрсеткендей,  бұл уақытша қиындық. «Жұмыла көтерген жүк жеңіл» дегендей, сабырлық, шыдамдылықты  сақтаған кезде бұл індетті жеңіп шығамыз.

                                                                                               Шолпан Мұсанова,

                                                        Еркін ауылы ардагерлер ұйымының мүшесі.

 

 

 

Бөлісу
Share on FacebookTweet about this on TwitterEmail this to someoneShare on VK