Талдықорған қаласының әкімі Ернат Бәзіл №17 орта мектеп оқушыларымен еркін форматта кездесті. Оларға бала шақтан болашаққа дейінгі аралық, қызмет жолы, сондай-ақ, қаланың алдағы даму жоспары жөнінде мәлімдеді.
Ернат Дүйсенбекұлы жетістікке жету жолындағы негізгі қағидаларын тілге тиек етіп, «Әрбір бала – қайталанбас жеке тұлға. Олардың әрқайсысының өз қызығушылығы мен қабілеті бар. Баланың тұлға болып қалыптасуына отбасындағы тәрбие, қоршаған орта және білім беру жүйесі үлкен әсер етеді. Жан-жақты білім алып, дамыңыздар, еңбекқорлық пен табандылық арман-мақсаттарыңызға жетелесін. Қандай қиындық кездессе де мойымай тек алға қарай қадам баса біліңіздер. Ел ертеңі өздеріңіз тәрізді жастардың біліктілігіне тікелей байланысты болмақ»-деді. Кездесу соңында оқушылар көкейлерінде жүрген сауалдарын қойып, өз ойларымен бөлісті. Мектеп ұжымы «Тұлғалардың шәкірттермен кездесуі – өте маңызды әрі мотивациялық шара. Мұндай кездесулер оқушыларға өмірлік тәжірибелерден сабақ алуға, өз армандарын айқындауға және болашаққа жоспар құруға көмектеседі» –деп алғыстарын білдірді.
