Алматы облыстық «Жетісу» телеарнасының 20 жылдық мерейтойы қарсаңында журналисттер үйінің төменгі қабатында заман талабына сай құрал-жабдықтармен қамтамасыз етілген жаттығу залы ашылды, — деп хабарлайды taldykorgan-online.kz

Аталмыш нысанның есігі салауатты өмір салтын ұстанғысы келетін тілшілер үшін әрдайым ашық болмақ. Спорт залдың ішінде арнайы жуынатын бөлме де қарастырылған. Сондықтан журналисттерге бос уақыт тауып, осында еркін түрде жаттығу жасауына болады.

Спорт залының ашылу рәсімінде «Жетісу» телеарнасының директоры Бейсен Құранбек сөз алып, журналисттерге құтты болсын айтты. Ал, Тілеуғабыл Мыңжасар, Әміре Әрін және Атсалим Идигов сынды ардагер журналисттер жаттығу залының лентасын қиды.

«Жетісу» газетінің тілшісі Айдар Қалиев: — Залды керемет жасапты, өте қатты ұнады. Енді кабинетте отыратын журналисттер жаттығу залынан шықпайды деген ойдамыз.

«Жетісу» телеарнасының бас продюсеры Жұмахмет Жайлаубаев: — Мұнда таңдау көп екен, жаттығу жасаймын деген адамға барлық мүмкіндік қарастырылған. Спортпен шұғылдану үшін сыртта жүретін едік, енді осында келетін болдық.

«Жетісу» телеарнасының тілшісі Гүлжанат Мақұлжанова: — Залдың ашылып жатқанына өте қуаншытымын. Мен өзімнің жасыма да, салмағыма да қарамай осыған дейін Талдықорған қаласындағы фитнес залдарына барып жүретінмін. Шыны керек, жұмыста жүріп үлгермейтінмін. Енді осы залға келіп тұрамыз.

«Огни Алату» газетінің бас редакторы Атсалим Идигов: — Біздің тілшілер барлық мүмкіндіктері қарастырылған ғимаратта жұмыс істеп отыр. Енді міне, журналисттер үйі тағы бір керемет дүниемен толығуда. Бізге ең керегі осы деп ойлаймын. Себебі, денсаулық мықты болу үшін, үнемі спортпен айналысып жүру қажет. Журналистерге көңіл бөліп отырған облыс әкімі Амандық Ғаббасұлына және ішкі саясат басқармасына ерекше ризашылығымды білдіремін, көп рахмет!

«Жетісу» телеарнасының директоры Бейсен Құранбек: — Негізі, шетелдік үлкен телекоманияларда барлық жағдай жасалған ғой. Олар сол жерде жұмыстан кейін ұйықтай береді, спортпен шұғылданады. Керек десеңіз ішінде арнайы дүкендері де бар. Талдықорғандық журналисттер де ақырындап соған келе жатыр. Бұған дейін бізде кітапхана және арнайы демалатын орындар болған, енді өзіміздің спорт залымыз бар. Жалпы, мұны журналисттерге арналған керемет жақсылық деуге болады.

Тілуғабыл Мыңжасар, ардагер журналист: — Спортпен шұғылдану – біріншіден адамның жұмысқа деген қабілетін арттырады. Мысалы, менің жасым 70-ке тақап қалса да осы күнге дейін өзімнің бабымды жоғатқан емеспін. Мұның барлығы спорттың арқасы. Сондықтан жастарға қазірден бастап спортпен шұғылданыңдар деп кеңес беремін.

«Жетісу» газетінің бас редакторы Әміре Әрін: — Бүгін өзі аспаннан шұға жауған күн болды. Журналисттердің барлығы мәз-мейрам. БАҚ өкілдерінің ғимаратында спорт залы пайдалануға берілді. Бұл біздің шабытымызды одан әрі арттырды.

Айта кету керек, жаттығу залы Алматы облысы әкімінің қолдауымен, ішкі саясат басқармасының ұсынысымен қолданысқа берілген.

Сутетті түсірген Жеңіс ЫСҚАБАЙ, Данияр САҒЫНДЫҚ.

Бөлісу
Share on FacebookTweet about this on TwitterEmail this to someoneShare on VK