«Талдықорған қаласының мәдениет және тілдерді дамыту бөлімі» мемлекеттік мекемесі және І.Жансүгіров атындағы Жетісу университетінің «Zhansugurov College» бірлесе Қазақстан Республикасында тіл саясатын дамытудың 2023-2029 жылдарға арналған тұжырымдамасын іске асыру мақсатында қазақ поэзиясының Құлагері Ілияс Жансүгіровтің 130 жылдық мерейтойына орай «Ілияс әлемі » атты қалалық мәнерлеп оқу байқауын ұйымдастырды.
Сайыстың аты сайыс, оза шапқандар анықталды. Әділқазылардың шешімімен Ілияс Жансүгіров колледжінің білімгері Нұрайжан Жапкен 1-орынға лайық деп табылды.
Ал 2-орынды Талдықорған қаласының инновация колледжінен Аяна Өтеулі, Талдықорған аграрлық — технологиялық колледжінен Мирас Даулетханов еншіледі.
Сондай-ақ, Талдықорған жоғары медициналық колледжі білімгері Арай Сәлім, Талдықорған қаласының «Авиценна» медициналық колледжі білімгері Нұрасыл Бекболат және Сервис және технология колледжі білімгері Ұлпан Сатылхан жүлделі 3-орын тұғырынан көрінді. Ынталандыру сыйлығына Нұртуған Тұрғанбек пен Нұрдос Бағат ие болды. Байқау қатысушылары бағалы сыйлық, диплом және де жетекшілер алғыс хаттармен марапатталды.
