Мектеп ұжымымен кездесті

400
Дереккөз

Қазақстан Республикасының Тәуелсіздік күніне орай  Ілияс Жансүгіров атындағы Жетісу мемлекеттік университеті қазіргі заманғы жастарды оқыту мен тәрбиелеу, ғылыми техникалық  шығармашылығын дамыту мақсатында  Ескелді ауданында орналасқан  Титов атындағы орта мектепке «Робототехника» кабинетін ашуға ұсыныс жасап, LEGO MINDSTORMS Education конструкторлар және оқу бағдарламаларын сыйға тарту етті.

Дереккөз

Оқушылар осы конструкторларды үйрене жүріп, тірі организмдердің және механикалық құрылғылардың  жұмыс істейтін модельдерін құрастырады. Оларды белгілі бір тапсырмаларды орындауы үшін программалайды  және нақты қолданыста бар, пайдаланылып жүрген механизмдерді іздеп, табады, инженерлік және биологиялық сынақтар жүргізеді, информатика  негіздерін, компьютерлік басқаруды, робототехника негіздерін үйренеді. Мерекелік шара І.Жансүгіров атындағы Жетісу мемлекеттік университетінің Мәдени-көпшілік іс-шаралар бөлімінің ұйытқы болуымен   шағын концерттік бағдарламамен басталды. Тәрбие жұмысы және әлеуметтік мәселелер жөніндегі проректор, заң ғылымдарының кандидаты, профессор Болат Сериев құттықтау сөз сөйлеп, университет ректоры, география ғылымдарының докторы, профессор Қуат Баймырзаевтың сәлемін жеткізді. Сондай-ақ, І.Жансүгіров атындағы Жетісу мемлекеттік университетінің біліктілікті арттыру және қосымша білім беру орталығының директоры, педагогика ғылымдарының кандидаты Ғалия Қыдырбаева  мектеп ұжымын құттықтап,  LEGO MINDSTORMS Education  конструкторлар мен  оқу бағдарламаларын мектеп директоры Әбдікәрім Каймулдиновке  тарту етіп, келесі жылы орта мектеп оқушылары арасында өтетін «Робо ЖГУ» олимпиадасына шақырды. Мектеп директоры Әбдікәрім Каймулдинов  өз кезегінде университет ректоры Қуат Баймырзаев бастаған І.Жансүгіров атындағы ЖМУ ұжымына алғысын білдірді.

Айта кетейік, Титов атындағы орта мектебі қазіргі таңда аудан көлеміндегі ең үлкен мектеп болып саналады. Мектепте  980 оқушы білім алып, 112 педагог-қызметкер жұмыс істейді.

Бөлісу
Share on FacebookTweet about this on TwitterEmail this to someoneShare on VK