Қайрат Сарқытов, С.Мұратбеков атындағы №9 орта мектеп директоры: Егемен ел болған жылдан бері бәсекеге қабілетті экономиканың негізі қаланды, осылайша Орталық Азия өңірінде көш бастап келеміз. Басталған реформалар жалғасын тауып, тұрғындарға ыңғайлы орта қалыптастыру, білім, денсаулық сақтау саласында қызмет көрсетуді жақсарту, цифрландыру бойынша жұмыстар жүйелі жүргізілуде. Қарға тамырлы қазағым тәуелсіз мемлекетте тату-тәтті, бейбіт күн кешуде. Ата-бабамыздың қасық қаны қалғанша күресіп, бізге мұра еткен ұлы даламызда өмір сүріп, еңбек етудің өзі үлкен бақыт. «Алтын ұяң – Отан қымбат, туып-өскен елің қымбат, кіндік кескен жерің қымбат». Жиған білімің мен біліктілігіңді, маңдай теріңді өз атамекеніңнің гүлденуі мен мүддесі жолында сарп еткен абзал.
