Қазақстандағы коммуналдық желілердің бір бөлігі ондаған жыл бойы пайдаланылып келеді. Кей учаскелердің жасы 50 жылдан асқан. Тозған құбырлар мен жабдықтар апат қаупін арттырып, су, жылу және электр энергиясын беруде үзілістерге әкелуі мүмкін.
Сондықтан елде ескірген инфрақұрылымды кезең-кезеңімен жаңарту жүріп жатыр. «Энергетикалық және коммуналдық секторларды жаңғырту» ұлттық жобасы аясында тозған желілер ауыстырылып, 2029 жылға дейін инфрақұрылымның орташа тозуын 40%-ға дейін төмендету және апат қаупін 25%-ға қысқарту көзделген.
