Құрылтайдың негізгі міндеті – мемлекет пен қоғам арасындағы байланысты нығайту, қоғамдық диалог мәдениетін дамыту және елдің стратегиялық маңызы бар мәселелерін ашық талқылауға мүмкіндік жасау. Бұл алаң азаматтардың ұсыныстары мен пікірлерін мемлекеттік шешімдер қабылдау үдерісіне енгізуге ықпал етеді. Құрылтай құрамына ғылым, білім, мәдениет, бизнес саласының өкілдері, үкіметтік емес ұйымдар, жастар ұйымдары мен өңірлердің белсенді азаматтары енеді. Мұндай кең құрам қоғамдағы түрлі көзқарастар мен мүдделердің ескерілуіне, маңызды бастамалардың жан-жақты талқылануына жағдай жасайды. Құрылтай сайлауы – қоғамдық сенімге ие, белсенді әрі жауапкершілігі жоғары азаматтарды іріктеудің маңызды кезеңі. Сайлау барысында кандидаттардың кәсіби тәжірибесі, қоғамдық белсенділігі және ел дамуына қосқан үлесі ескеріледі. Бұл үдеріс Құрылтай жұмысының ашықтығы мен тиімділігін арттырып, азаматтардың қоғамдық-саяси өмірге қатысуын кеңейтуге бағытталған. Құрылтай сайлауына қатысу – қоғамның дамуына үлес қосуға, өңірлердің өзекті мәселелерін көтеруге және халықтың пікірін мемлекеттік деңгейде жеткізуге мүмкіндік беретін маңызды азаматтық жауапкершілік. Сондықтан сайлаудың әділ, ашық және жария түрде өтуі қоғамның Құрылтай қызметіне деген сенімін нығайтып, мемлекет пен азаматтар арасындағы өзара ықпалдастықты күшейтеді.
Камшат Нұрлан, қала тұрғыны
