Шинкиокушинкай каратэ облыстық федерациясының спорттық залында ерекше маңызға ие іс-шара өтті. Атап айтқанда, Облыстық «Ассамблея жастары» ҚБ мүшелеріне арналып, Қазақстан Республикасының спорт шебері, Шинкиокушинкай каратэ федерациясының төрайымы Бетирова Зайна Махмутовна жетекшілік еткен кәсіби мастер-класс ұйымдастырылды.
Мастер-класс сағат 10:30-да басталып, қатысушыларға жоғары деңгейдегі жаттығу процесін сезінуге, шеберлік шыңына жету жолын тереңірек түсінуге мүмкіндік берді. Зайна Махмутовна өзінің көп жылдық тәжірибесімен бөлісіп, каратэ өнерінің техникасы, төзімділік, тәртіп және жекпе-жек мәдениетінің негізгі қағидаларын жан-жақты түсіндірді. Іс-шараның мақсаты:
Жастар арасында спортқа деген қызығушылықты арттыру;
Салауатты өмір салтын насихаттау;
Жан-жақты дамыған, тәртіпті және белсенді жастарды қалыптастыру;
Көшбасшылық қасиеттер мен қоғамдық жауапкершілікті дамыту. Мастер-класс барысында қатысушылар бірқатар практикалық жаттығулар орындап, базалық және күрделі техника элементтерін меңгерді. Жаттығулар жастардың физикалық дайындығын арттырып қана қоймай, ерік-жігерін шыңдап, өз-өзін басқару дағдыларын жетілдіруге зор ықпал етті. Бұл шара өңір жастарының спорттық белсенділігін арттыруға, салауатты, мақсаткер тұлғаларды қалыптастыруға бағытталған маңызды қадамдардың бірі болды.
