Алматы облысы әкімінің келісімімен белгілі журналист Серік Әбікенұлы Сарыбай «Жетісу» телеарнасының директоры қызметіне тағайындалды. Телеарна ұжымына жаңа басшыны Алматы облысы әкімінің орынбасары Батыржан Байжұманов таныстырды, — деп хабарлайды Тaldykorgan-online.kz

Серік Әбікенұлы Сарыбай 1972 жылы 3 қыркүйекте Талдықорған облысының Кербұлақ ауданы, Балғалы ауылында дүниеге келген. Әл-Фараби атындағы Қазақ Ұлттық Университетін бітірген. Журналист. «НТК», «31 арна» секілді телекомпанияларда Бас редактор, директордың орынбасары қызметтерін атқарған. Тележурналистикадағы еңбек жолын 1998 жылы «Телефабрика» серіктестігінде бастап, «Анау-мынау», «Айтпақшы» бағдарламаларын шығаруға атсалысқан.

2000-2003 жылдар аралығында «Оңтүстік астана» телеарнасында Бас редакторлық қызметте жүріп, «Сойыл» атты тұңғыш тележобасын жарыққа шығарды. 31 арнаның» «Информбюро» жаңалықтар қызметінде 6 жыл жетекшілік етіп, осы арнада «Тарих безбені», «Тұжырым», «… кім?», «Ел сойылы» сынды жобаларды елге ұсынды.

Осы күні ел аузында жүрген «Тілсақшысы», «Пікірлер пирамидасы», «Тарих таразысы», «Тағдыр мен тұлға», «Монолог», «Болмыс», «Тыңдашы, айналайын» бағдарламалары «Қазақ хандығына – 550 жыл» 40 сериялы деректі фильмдер циклінің және тағы басқа көптеген хабарлардың авторы.

2013 жылы «Парасат» саяси-қоғам-дық журналының бас редакторы және 2014 жылдан «Жетісу» телеарнасы директорының бірінші орынбасары болып қызмет атқарды.

Айта кетейік, бұған дейін бұл қызметті Бейсен Құранбек атқарған болатын. Белгілі журналист ауыр дертке шалдығып, 49 жасқа қараған шағында өмірден өтті.

Бөлісу
Share on FacebookTweet about this on TwitterEmail this to someoneShare on VK