Алматы облысында коронавирустың 7 жағдайы тіркелді. Оның 3-еуі Талдықорған қаласында, 2-еуі Талғар ауданында, Қапшағай қаласы мен Кеген ауданында бір-бірден анықталды, — деп хабарлайды облыс әкімінің баспасөз қызметіне сілтеме жасаған Тaldykorgan-online.kz

5 пациенттің сырқат жұқтығаны профилактикалық тексеру барысында белсенді анықталған, 2-еуінің ауыруы медициналық мекемеге өз бетінше жүгінуі барысында бегілі болды. Науқастардың барлығы жұқпалы аурулар бөлімдеріне жатқызылды. Олармен 91 адамның байланыс жасағаны нақтыланды. Олардың барлығы бақылауға алынып, эпидемиологиялық тексерулер жүргізілуде.

Сонымен бірге Талдықорғанда тағы үш мекенжай тиісті қаулыға сәйкес індет ошағы деп танылып, карантинге алынды. Олардың барлығы Қаратал шағын ауданында орналасқан, 57-үйдің 3-ші подъезі, 59 «б» үйдің 1-ші подъезі, 60 «б» үйдің 1-подъезі.
Сонымен Алматы облысында COVID-19 инфекциясын жұқтырған 219 адам тіркелді.

Бөлісу
Share on FacebookTweet about this on TwitterEmail this to someoneShare on VK