Жақында қалалық орталық балалар кітапханасында №2 орта мектептің 7 сынып оқушыларының, қалалық ардагерлердің, М.Мақатаев атындағы поэтикалық жас актерлер театр әртістердің қатысуымен қазақтың көрнекті ақыны, қоғам қайраткері Ілияс Жансүгіровтің туғанына 130 жыл толуына орай «Қазақ поэзиясының сұлу сарайы» атты әдеби кеш өтті.
Шара мақсаты — оқырмандар арасында Ілияс Жансүгіров шығармашылығын насихаттау, рухани мұрасына деген сүйіспеншілік пен қызығушылықтарын ояту.
Шара барысында ҚР Халық әртістері, Алматы облысының «Құрметті азаматтары», ҚР еңбек сіңірген қайраткері, «Құрмет», «Парасат» ордендерінің иегерлері Кендебай Темірбайұлы мен Алмахан Нұрпейісқызының жетекшілігімен Талдықорған қаласының М.Мақатаев атындағы поэтикалық жас актерлер театры, жазушы Қ.Мұқашовтың «Дала дастаны» атты жыр Құлагері Ілияс .Жансүгіровтің 130 жыл мерейтойына арналған театрландырылған көрініс қойды.
№22 орта мектептің 10 «Ә» сынып оқушысы, жас актер Есбол Елемесұлы Ілияс атасына арнау оқыса, №15 орта мектептің 9 сынып оқушысы Айша Бақытова ақынның өлеңін, №28 ІТ мектептің 9 сынып оқушысы Әдемі Нұрмұхамед «Жолдастар» романынан үзінді оқып, №2 орта мектептің 7 «В» сыныптың оқушысы Төкен Әмір – «Ерке сылқым» күйін, №22 орта мектептің 5 «Ә» сынып оқушысы Әния Қайырды қобызбен Абай Құнанбаевтың «Көзімнің қарасы» әнін тарту етті. Шара соңында кешке белсене қатысқан оқушылар алғыс хаттармен марапатталды.
Құралай Баримбекова,
Талдықорған қалалық орталық балалар
кітапханасының кітапханашысы
