«КFС» ресторандар желісіне берілген «Қазақстан мұсылмандар діни басқармасының халал» сертификаты өз күшін жойды, — деп хабарлайды taldykorgan-online.kz

ҚМДБ халал стандарттау бөлімінің баспасөз қызметі келтірге мәліметке сүйенсек, бұған дейін «КFС» ресторандар желісі Ресей Федерациясына қарасты халал стандарт талаптарына сай өндірілетін, ҚМДБ «Халал Даму» ЖШС-ң арнайы оқытылған қасапшылары тек қана қолмен бауыздап, бірнеше аусыммен жұмыс істеген, «өлексе жеммен (мясокостная мука) қоректендірілмеген» «Белая птица» құс өнімдерін пайдаланып келген.

Алайда, РФ тарапынан туындаған заңдық шектеулерге байланысты «КFС» ресторандар желісіне тасымалданатын «Белая птица» тауық өнімдерінің көлемі азайғандықтан, «КFС» мекемесі басшылығы «Белая птица» құс өнімдерімен қатар, ҚМДБ халал стандарты талаптарына сәйкес келмейтін басқа да бірнеше «Құс фабрикаларының» тауық өнімдерін қолдану үстінде.

Қазіргі таңда «КFС» мекемесі қолданып жатқан «Белая птицадан» басқа  тауық өнімдері ҚМДБ “Халал Даму» ЖШС-ң  «Мал бауыздау және ет өңдеу халал стандарты» 1:2016 және «Халал өнімдерін тасымалдау мен сатуға, сақтауға, өңдеуге, дайындауға, өндіруге жалпы талаптар» 3: 2016 стандарттары талаптарына сәйкес келмейді.

«Сол себепті, ҚМДБ «Халал Даму» ЖШС мен «The Caspian International Restaurants Company» ЖШС арасындағы келісімшарттың уақытша тоқтағандығын, «КFС» ресторандар желісінің тауық өнімдері толығымен «ҚМДБ халал стандарт» талаптарына сәйкес келмейінше, мекемеге берілген «ҚМДБ Халал» сертификаты мен «КFС» өнімдерінің сыртқы қаптамаларындағы «ҚМДБ халал» таңбасының өз күшін жойғандығын хабарлаймыз», — дейді  ҚМДБ халал стандарттау бөлімі.

Бөлісу
Share on FacebookTweet about this on TwitterEmail this to someoneShare on VK