Almaty oblysyna ko'rs'i Qyrg'yz elinen arnai'y delegasi'a keldi. Olar eki eldin' memleket bass'ylary qol qoi'g'an kelisimderge bai'lanysty dostyq barys-kelisti nyg'ai'typ, say'da-sattyq ko'lemin baryns'a arttyry'g'a ni'etti. Aldymen oblys ortalyg'y Taldyqorg'ang'a at basyn tiregen ai'yr qalpaqty ag'ai'yndardy ai'maq a'kimi Amandyq Batalov qabyldady.

Amandyq Batalov

Basqosy'da ki'eli Jetisy' jerinin' tamas'a tabi'g'atyn, tari'hi' oryndaryn, ekonomi'kalyq damy'yn jan-jaqty tanystyrg'an Amandyq G'abbasuly: «Qazaq– Qyrg'yz ejelden bay'yrlas a'ri ko'rs'i el. Jer ji'egi Almaty oblysymen 533 s'aqyrymg'a dei'in s'ekaralasady. S'yg'ys bo'liginde Kegen – Qarqara s'ekara beketi bolsa, batys ay'mag'ynda Qordai' o'tkeli bar. Jalpy, Almaty oblysynda  2 mi'lli'onnan astam halyq turatyn agrarlyq ja'ne o'nerka'siptik ai'maq. Quramyna 17 ay'dan 3 qala enedi. I'nvesti'si'alyq a'ley'eti de jog'ary. Qazir ai'maqta ay'yls'ary'as'ylyg'y, ka'sipkerlik, o'ndiris salalary qarqyndy damy' u'stinde. Sizder de Ystyqko'l, bizde Balqas' pen Alako'l ja'ne ko'ptegen qasi'etti jerler bar. Al, ortada elimizdin' iri say'da ortalyg'y sanalatyn a'sem Almaty qalasy tur. Osynyn' barlyg'y Almaty ja'ne Ystyqko'l oblystarynyn' o'zara  yntymaqtastyg'yn arttyryp, o'n'iraralyq qatynasyn damyty'g'a  mol mu'mkindik beredi» – dedi.

Aqylbek Ospanali'ev

Osydan son' Qyrg'yz Respy'bli'kasy U'kimetinin' Ystyqko'l ai'maqtyq o'kili Aqylbek Ospanali'ev oblys a'kimi Amandyq Batalovtyn' syi'-qurmetine, izgi ilti'patyna o'z ri'zas'ylyg'yn bildirdi. Sondai'-aq, ol: «Alystag'y ag'ai'ynnan jaqyndag'y ko'rs'i artyq» degen. Biz ko'rs'i eki el arasynda jasalg'an memlekettik kelisimderge sa'i'kes, qos ai'maqtyn' yntymaqtastyg'yn arttyryp, ekonomi'kalyk qy'atyn eseley'ge mu'ddelimiz. Ma'selen, bizdin' Ystyqko'l oblysyna bes ay'dan qarai'dy. Basty bag'yty ay'yls'ary'as'ylyg'y men ty'ri'zm salasy. Sonyn' is'inde alma, almurt, o'rik, ju'zimnin' tu'r-tu'ri o'siriledi.  Jylyna qazaq eline 30 myn' tonna alma o'tkizy'ge qay'qarly. Bag'asy da arzan. Sapasy da jog'ary. O'tken 2017 jyly Qazaqstang'a 300 myn' tonna alma eksporttaldy. Aldag'y y'aqytta osy o'nimderdi o'tkizy' ko'lemin budan da ko'bei'ty'di ko'zdei'miz. Sonymen birge et, su't, bal  tag'y basqa da tabi'g'i' a'ri taza o'nimderdi say'dalay' josparda bar. Ty'ri'zm salasyn damyty' da basty nazarda. Biz burynan ty'ysqan halyqpyz. Sondyqtan sizdermen a'rqas'an birlese jumys jasay'g'a dai'ynbyz» – dep tujyrymdady.

Ka'rim Ko'kirekbaev

«Eldestirmek els'iden». Kezdesy' barysynda eki eldegi eki ai'maqtyn' bass'ylarynyn' ortaq kelisimimen, o'n'irlerdi o'rkendety'ine ui'ytqy bolg'an Qazaqstannyn' Qyrg'yz elindegi els'isi Ka'rim Ko'kirekbaev so'z so'i'lep, jalpy iske asyrylyp jatqan jumystarg'a ken'inen toqtaldy. Ka'rim Na'sbekuly: «Bu'ginde Qazaqstan men Qyrg'yz Respy'bli'kasy arasyndag'y dostyq qarym-qatynas o'te jog'ary den'gei'de. Say'da-sattyq, barys-kelis ma'seleleri de jan-jaqty s'es'ilgen. Mundai' i'gilikti isterge qos memleket bass'ylarynyn' syndarly sai'asatynyn' na'ti'jesinde qol jetti. Naqtyraq ai'tsaq, bi'yl eki el prezi'dentteri segiz ma'rte kezdesip, ko'ptegen ku'rmey'i qi'yn ku'rdeli ma'selelerdin'  tu'i'inin tarqatty. Sonymen yntymaqtastyqtyn' jan'a bag'ytyna jol as'yldy. Bu'gingi ju'zdesy' sol kelisimder ai'asynda qolg'a alyny'da. Mundai' i'gilikti ister budan bylai' da jalg'asyn tay'yp, o'z jemisin beretinine senidimin» -dep, atap ai'tty.

Oblys a'kimdiginde o'tken ju'zdesy'den kei'in qyrg'yzstandyq mei'mandar oblys ortalyg'yndag'y «Saltanat» sarai'ynda bolyp, qos eldin' bi'znes fory'myna qatysty. Fory'mda Amandyq Batalov ai'maq ekonomi'kasyn damyty' boi'yns'a jolg'a qoi'ylg'an tyn' joba-josparlarmen bo'listi. Sonyn' is'inde ay'yls'ary'as'ylyg'y, a'ley'met, ma'deni'et, ty'ri'zm, ka'sipkerlik, o'ndiris salalarynda jetken jetistikter az emes. Bul bag'yttag'y jumystar bei'nebai'an arqyly ko'ps'ilik nazaryna usynyldy. Munda jylyna mi'lli'on dana akky'my'li'ator s'yg'aryp otyrg'an «Qai'nar» AKB ja'ne «Fi'lli'p Morri's» syndy iri ka'siporyndardyn' orny ereks'e ekenin jetizdi. Sonymen birge oblys a'kimi ma'rtebeli mei'mandarg'a ai'maqtag'y jemis-ji'dek, ko'ko'nis s'ary'as'ylyqtarynyn', jol, qurylys saly' isinin', «Nurly jol», «Nurly jer» bag'darlamasy ai'asyndag'y iske asyrylyp jatqan qarqyndy jumystarymen tanystyrdy. Ji'ynda o'z o'n'irlerinin' jetistikterin pas' etken taraptar eki jaqty yntymaqtastyqty damyty' jo'nindegi memorandy'mg'a qol qoi'dy.A'ri s'ahardag'y jan'adan salyng'an  Ko'rme kes'eni, Oqy's'ylar sarai'y, Jastarg'a qyzmet ko'rsety' ortalyg'y, ko'p salaly ay'ry'hana, №28 mektep, Qaratal jag'alay'y, «Jastar» sai'abag'y syndy oryndardy aralap, tan'danystaryn jasyrmady.

 

Bo'lisy'
Share on FacebookTweet about this on TwitterEmail this to someoneShare on VK