Halyqaralyq jen'il atleti'ka federasi'asynyn' resmi' sai'ty qazaqstandyq sports'y Olga Rypakovany Bei'jin'-2008 oli'mpi'adasynyn' ku'mis ju'ldegeri dep jari'alady. Osylai's'a, bas-ai'ag'y eki jarym jyl is'inde otandasymyz aldymen – qola, sosyn ku'mis tug'yrg'a ko'terildi. Biraq birden eskertei'ik, Olganyn' qola medal alatyny ty'raly aqparat jurt arasynda ai'tylg'anmen, resmi' tabystalg'an joq. Mine, endi qoladan da man'yzdy ju'lde qolg'a tu'sip otyr, — dep jazady statsport.kz

Ma'seleni basynan tarqatai'yq.

Bei'jin' dodasyndag'y ba'seke

2008 jylg'y Bei'jin' oli'mpi'adasynda jen'il atleti'kanyn' u's' sekiry' bag'darlamasyna barlyg'y 36 sports'y qatysty. Onyn' is'inde fi'nalg'a A tobynan – 5 (is'inde Rypakova da bar), V tobynan 7 sports'y joldama aldy. A tobynda iriktey'ge qatysqan otandastarymyz I'ri'na Li'tvi'nenko men Elena Parfenova fi'nalg'a s'yg'a alg'an joq.

Fi'nalda ekins'i mu'mkindiginde 15,39 metrge sekirgen kamery'ndyq Fransy'aza Mbango Etone c'empi'on atandy. Ku'mis ju'lde resei'lik Tati'ana Lebedevanyn' ens'isinde ketti. Ol u's'ins'i mu'mkindiginde 15,32 metrdi bag'yndyrdy. Grek qyzy Hri'sopi'a Devetsi' 15,23 metr ko'rsetkis'pen qola tug'yrdan qol bulg'ady.

Olga Rypakova fi'nalda o'te jog'ary den'gei'de o'ner ko'rsetti. O'skemendik atlet alty mu'mkindiktin' ekey'inde so're syzyg'yn basyp ketkenmen, qalg'an to'rtey'in sa'tti pai'dalandy. Ol a'r kezeginde o'sip otyrdy – 14,83 m, 14,93m, 15,03m, 15,11m! Tipti son'g'y na'ti'jesi ereks'e keremet edi. Olga Azi'a rekordyn jan'artty.

Biraq 15 metrden asyp tu'sse de, otandasymyz ju'ldege bir qadam g'ana jetpei' toqtady. Elge oralg'an son' da ol biraz y'aqyt jy'rnali'sterge suhbat bergen joq, ju'lde ay'ylyna qon'sy qonyp turyp jete almag'any o'kindirgeni so'zsiz edi.

Aldymen Devetsi'din' day'y s'yqty

2016 jyly qazan ai'ynda  Halyqaralyq jen'il atleti'ka federasi'asy dopi'ngke qarsy erejebuzy's'ylyqtardyn' jan'a tizimin jari'alap, H.Devetsi'din' 2007 jylg'y a'lem c'empi'onatynda tapsyrg'an qanynan ruqsat etilmegen stenazolol steroi'dy tabylg'anyn ma'lim etti. Jan'a talaptar boi'yns'a, sports'ylardyn' qan taldamasy 10 jylg'a dei'in saqtalyp, kez kelgen y'aqytta qai'ta tekseriledi. Devetsi' osy jazag'a tap boldy. Grek atleti 2009 jyly sporttan mu'lde qol u'zgen-di. Ol 2009 jyly dopi'ng baqylay'ynan o'ty'den bas tartyp, eki jylg'a jarystardan s'ettetildi, sodan qai'typ sektorlarda ko'ringen joq.

So'z basynda ai'typ o'tkenimizdei', Rypakova birden Devetsi' ornyna ay'ystyrylg'an joq. A'y'eli Halyqaralyq oli'mpi'alyq komi'tet (HOK) biraz y'aqyt zerttey' ju'rgizip, tag'y bir «barmaqbastylyqtyn'» izin anyqtady.

Lebedeva qarsylasyp baqty

Lebedevanyn' dopi'ng-synamasynan da s'i'kilik s'yqqany, ty'ri'nabol preparatynyn' izi tabylg'any jurts'ylyqqa erte belgili boldy. Alai'da resei'lik sports'y eki jyl boi'y o'zinin' kina'sizdigin da'leldey'ge tyrysty. Ol Lozannadag'y (S'vei'sari'a) Sporttyq to'relik sotyna apelli'asi'a jiberdi, biraq ol o'tinis' keri qai'taryldy. Lebedevany eki jylg'a ai'yptay' ty'raly s'es'im bi'ylg'y 5 qyrku'i'ekte s'yqty, biraq jaza merzimi dopi'ng anyqtalg'an y'aqyttan, i'ag'ni' 2016 jyldyn' 12 qyrku'i'eginen bastaldy. Onyn' 2008 jyldyn' 18 tamyzynan 2010 jyldyn' 10 tamyzyna dei'in barlyq jarystarda ko'rsetken na'ti'jeleri esepten s'yg'aryldy. Lebedeva o'zinin' ruqsat etilmegen preparattarg'a ju'gingenin moi'yndag'an joq, biraq o'z synamasynan tabylg'anyn da teristemedi. Kei'inirek sports'y aqtyg'yn da'leldey'den de bas tartty.

Osyndai' day'ly s'ary'adan kei'in aqyry ku'mis medal s'ynai'y i'esine ko's'ti. Endi Olga Rypakova – oli'mpi'adanyn' u's' ju'ldesin de i'elengen ta'y'elsiz Qazaqstannyn' alg'as'qy sports'ysy! Onyn' na'ti'jesi mynadai': Bei'jin' – ku'mis, London – altyn, Ri'o-de-Janei'ro – qola!

Esterin'izge salamyz, uzaq y'aqytqa sozylg'an dopi'ng day'ynan kei'in Bei'jin' ju'ldelerinen otandastarymyz I'li'a I'li'n (ay'yr atleti'ka, altyn), Tai'my'raz Ti'gi'ev (erkin ku'res, ku'mis), A'set Ma'mbetov (grek-ri'm ku'resi, qola), Mari'a Graboveskai'a (ay'yr atleti'ka, qola), I'ri'na Nekrasova (ay'yr atleti'ka, ku'mis) ju'ldelerin qai'taryp berdi. Al qarsylastarynyn' dopi'ng-synamasy on' na'ti'je bergen son', ay'yr atlet Alla Vajeni'nag'a – altyn, baly'an Nurbaqyt Ten'izbaevqa ku'mis ju'lde tabys etildi.

Bo'lisy'
Share on FacebookTweet about this on TwitterEmail this to someoneShare on VK