QR memlekettik qyzmet isteri ja'ne sybai'las jemqorlyqqa qarsy is-qi'myl agenttiginin' Memlekettik qyzmet salasyndag'y baqylay' departamentinin' di'rektory Ravi'l Ti'y'lebaev ja'ne sol agenttiktin' Jurts'ylyqpen bai'lanys jo'nindegi departamentinin' bass'ysy, tanymal o'ner ja'ne ma'deni'et qai'ratkeri Arman Berdali'n arnai'y Almaty oblysynda issaparda boldy. Sapardyn' basty maqsaty – o'n'irdegi qarapai'ym halyqpen kezdesip, pikirin tyn'dap, zan'dy tu'sindiry', sybai'las jemqorlyqtyn' aldyn aly' ja'ne ony boldyrmay'.

Ma'rtebeli mei'mandardyn' jer jannaty Jetisy'g'a jasag'an sapary aldymen Jambyl, Kerbulaq ay'danyndag'y jurtpen ju'zdesy'den bastalyp, Taldyqorg'an qalasynda qorytyndylandy. Ji'nalg'an qay'ym aldynda so'z alg'an Ravi'l Qy'anys'bai'uly jalpy agenttiktin' osyg'an dei'in atqarylg'an jumystaryna ken'inen toqtalyp, alda turg'an maqsat–mindetterin atap ko'rsetti.

Sondai'-aq, ol: «Jalpy, Elbasy o'zinin' a'r jylg'y Qazaqstan halqyna da'stu'rli Jolday'ynda ko'petegen man'yzdy bag'yttardy ai'qyndap berdi. Sonyn' is'inde ka'sibi' memlekettik apparat qury'dyn' orny ereks'e. Bul bag'ytta biz memlekettik qyzmets'ilerdin' boi'yna a'deptilik u'lgisin qalyptastyryp, adaldyq pen  jay'apkers'ilikti arttyryp,  bilimdilik pen biliktilikti qamtamasyz ety'ge ti'ispiz. Osyg'an bai'lanysty, qazir ko'ptegen is-s'aralar atqaryly'da. Atap ai'tsaq, memleket bass'ysynyn' Ult jospary «100 naqty qadam» bag'darlamasy ai'asynda memlekettik qyzmets'iler ty'raly jan'a zan' ja'ne A'dep kodeksy qabyldandy. Qyzmets'ilerdin' a'dep normalaryn saqtay', jemqorlyqty boldyrmay' u's'in a'dep jo'nindegi y'a'kil i'nsti'ty'ty engizildi. Osy negizde jasalg'an jumystar na'ti'jesinde a'dep jo'nindegi qaralg'an ta'rtiptik ister 2015 jyldan bastap 2018 jyldyn' 8 ai'yna dei'ingi aralyqta 40 pai'yzg'a to'mendegen. Bu'ginde olqylyqtardy boldyrmay'g'a ja'ne oryn alg'an isterdi qaray'g'a a'r salanyn' o'kilderinen jasaqtalg'an arnai'y quram bar. Olar qyzmets'ilerdin' qyzmet ko'rsety'in baqylap, ta'rtiptik isterdi qarai'dy. Jurtpen emen jarqyn ju'zdesip, say'alyn tyn'dap saqtalg'an ma'selelerdi s'es'y'ge qol us'yn bery'ge quqyly. Ma'selen, 2017 jylg'y zerttey'ler qorytyndysy boi'yns'a azamattardyn' 70-ten astam pai'yzy A'dep jo'nindegi ken'estin' s'es'imderinin' a'dildigine senetinin ko'rsetti. Sonyn' is'inde Almaty oblysy en' jog'ary ko'rsetkis'ke jetip otyr. Al, Elbasy Jarlyg'ymen derbes engizilgen A'dep jo'nindegi y'a'kil i'nsti'ty'ty memlekettik qyzmets'ilerdin' quqyg'yn qorg'ay'g'a, jurt arasynda say'alnama ju'rgizip, jas mamandarg'a jol ko'rsetip, a'dep normalaryn u'i'rety'ge mindetti. Tag'y bir barlyq memlekettik qyzmets'iler u's'in jag'ymdy jan'alyq 2019 jyldan bastap jan'a en'bekaqy to'ley' ju'i'esi engiziledi. Qazirge bul ju'i'e jyl basynan beri pi'lottyq organ retinde sybai'las jemqorlyqqa qarsy is-qi'myl agenttigi, A'dilet Mi'ni'strligi, Man'g'ystay' oblysy men Astana qalasynyn' a'kimdikterinde atqaryly'da» -dedi.

Sonymen birge departament di'rektory endi memlekettik qyzmets'ilerdin' qyzmet sapasyn arttyry' baryns'a talap etiletinin eskertti.

Sybai'las jemqorlyq indet – ony joi'y' mindet.  Biz osy bag'ytta bir jyldyn' is'inde zor jetistikke qol jetkizdik. 2016 jylg'y halyqaralyq saraps'y ui'ymdardyn' ma'limetins'e  elimiz sybai'las jemqorlyq boi'yns'a 180-nen astam memlekettin' is'inde 131 orynda turg'an edi. Bir jyldyn' is'inde bul ko'rsetkis' 9 satyg'a to'mendep, 122 oryng'a turaqtady. Alda ony budan da to'mendety'ge ku's' salamyz dei'di mamandar.

So'z kezeginde Arman Tilektesuly aldymen QR memlekettik qyzmet isteri ja'ne sybai'las jemqorlyqqa qarsy is-qi'myl agenttiginin' bass'ysy Ali'k Is'pekbaevtyn' aqyndar men batyrlar eli atang'an ki'eli Jetisy' jurtyna ystyq yqylasty sa'lemin jetkizdi. Osydan son' Arman myrza: «Memleket bass'ysy bizdin' aldymyzg'a s'ynymen ka'sibi' memlekettik apparat qury' talabyn qoi'dy. Ony quratyn qara orman halyq sizder men bizder. Bu'ginde memlekettik qyzmets'ilerdin' a'debine basa ko'n'il bo'liny'de. Sol u's'in siz ben biz i'ag'ni', a'r mekemenin' bass'ylyq mindetinde otyrg'an azamattar memlekettik qyzmetke kir keltirmey'ge ti'ispiz. A'lbette a'kesindei' adamg'a a'kiren'dep so'i'lep, anasyndai' adamg'a alai'yp qarai'tyn bolsa, alystan qarapai'ym jurttyn' aryz armanyn arqalap kelgen jang'a ju'rdim bardym jay'ap  berse, ondai' adamnyn' to'besi ko'k, tabany jer tirep tursa da memlekettik qyzmette oryn joq. Qazir bizdin' «a'y'» degen bir ay'yz so'zimiz lezde jer s'aryn bir ai'nalyp  keletindei' a'ley'mettik i'nternet jelisinin' damyg'an kezi. Osyndai' sa'tte biz ult ma'deni'etin saqtap, o'negeli isimizben bir-birimizge ai'na bola bily'imiz ti'is. Bir-birimizdin' qateligimizden sabaq alyp, tu'zete bily'imiz kerek.

Al, memlekettik qyzmetkerler halyqqa kirs'iksiz qyzmet ko'rsety' u's'in bar jag'dai' jasaly'da. Sonyn' biri jan'adan engizilip jatqan pi'lottyq joba arqyly eselep en'bekaqy to'ley' ju'i'esi. Bul bass'ylardan go'ri jai' memlekettik qyzmets'ilerge pai'daly. Sebebi olardyn' atqarg'an jumysy da jalaqysy da 2 jarym esege dei'in eselenedi. Jemqorlyqty azai'ty'dyn' birden-bir ti'imdi joly ko'rsetiletin barlyq qyzmetti elektrondyq tu'rge ay'ystyry'. Jalpy, qazir elimizde 746 memlekettik qyzmet ko'rsetiledi. Onyn' 60 pai'yzdan astamyn elektrondyq tu'rde aly'g'a qoljetimdi. Buryng'ydai' bir anyqtama aly' u's'in ay'yldan ay'dan ortalyg'yna sabyly'dyn' qajeti joq. Tek i'nternet pai'dalany' say'attylyg'y bolsa bolg'any es'kimnin' esigin qag'yp, qas-qabag'yna qaramai'-aq u'i'den s'yqpai' 10-15 mi'ny'tta jumysyn bitirip aly'g'a bolady. Bul say'attylyqty qarapai'ym jurtqa u'i'rety' maqsatynda jalpy elimizde 5 myn'nan astam mug'alim arnai'y say'attandyrylg'an bolatyn. Olar osyny a'rbir balag'a ja'ne onyn' ata-anasyna jetkizedi.

Sonymen qatar, Halyqqa qyzmet ko'rsety' ortalyqtarynda da osy qyzmet ko'rsetilip jatyr. Elimizdegi jemqorlyq ma'selesine keler bolsaq, oi'lanbai' jasag'an is, oi'bai'g'a alyp barady. O'i'tkeni, qazirgi kezde sol jemqorlyqtyn' kesirinen ko'ptegen adamdardyn' qolyna kisen salynyp, zar jylay'da. Biz mundai' jag'dai'lardyn' aldyn alyp, eskerty' maqsatynda jumys jasap jatyrmyz. Biraq, kei'de ai'tqanymyz ai'dalag'a ketip sol bizdin' eskerty'imizge qulaq aspag'andar temir tordyn' arg'y jag'ynan biraq s'yg'y'da. Biz sondai'dan sabaq alyp, ai'nalamyzdag'y adamdarg'a «Urlyq tu'bi qorlyq» ekenin jetkizy'imiz kerek. Naqtyraq ai'tsaq, elimizdegi jemqorlyq en' oryn alatyn qurylys, bilim, jer qatynastary salasy. Sol u's'in sybai'las jemqorlyqty mektep qabyrg'asynan bastay' qolg'a alyndy. Sebebi, bu'gin o'zinin' janyndag'y balanyn' karyndas'yna qol salg'an bala erten' qazyna qarjysyna qol salady. Sondyqtan, «Adal urpaq» s'arasy osyg'an bag'yttalg'an.

Sonymen qatar, agenttiktin' kez kelgen adamg'a esigi as'yq. Onyn' u'stine tu'rli a'ley'mettik jeli arqyly a'r azamat tikelei' o'z surag'yn qoi'yp, tus'ymdy jay'ap ala alady. Og'an bar mu'mkindik qarastyrylg'an. Uzyn so'zdin' qysqasy A'i'teke bi' babamyz: «Bai' bolsan' halqyn'a pai'dan' ti'sin. Batyr bolsan' jay'yn'a nai'zan' ti'sin. Bai' bolyp pai'dan' ti'mese, batyr bolyp nai'zan' ti'mese, jurttan ala bo'ten u'i'in' ku'i'sin» degen. Biz birlikte el qamyn, jer qamyn oi'lap, Otanymyzdy birge ko'rkei'tei'ik» -dep tujyrymdady.

Osylai's'a, Jetisy' jurtyna ai'taryn salmaqty oi', sali'qaly so'zben jetkizip tu'i'indegen departament bass'ylary oblys ortalyg'y Taldyqorg'anda baspaso'z ma'sli'hatynda o'z jumysyn bir qorytyndylady. A'ri qarai'  Aqsy', Sarqan, Alako'l ay'dandary arqyly s'yrai'ly S'yg'ys Qazaqstan oblysyna bag'yt almaq.

Bo'lisy'
Share on FacebookTweet about this on TwitterEmail this to someoneShare on VK