Almaty oblysynda s'ag'yn ja'ne orta ka'sipkerlik sy'bektileri u's'in jer y'c'askilerinin' qoljetimdi boly'y, ko'terme ja'ne taraty' ortalyqtarynyn' qurylysy ja'ne uzaq merzimdi kelisims'arttar engizy' ma'seleleri talqylandy.

O'n'irge jumys saparymen QR Prezi'dentinin' Bes a'ley'mettik bastamasyn ju'zege asyry' boi'yns'a respy'bli'kalyq Qog'amdyq ken'estin' mu's'eleri – «Atameken» Ulttyq ka'sipkerler palatasynyn' Basqarma To'rag'asy Abylai' Myrzahmetov pen QR Parlamenti Ma'jilisinin' depy'taty Nurtai' Sa'bi'li'anov bardy.

Sapar ai'asynda O'n'irlik palata alan'ynda ka'sipkerlermen kezdesy' o'tti.

Kezdesy' barysynda talqylang'an basty ma'selelerdin' biri – jer y'c'askeleri ty'raly aqparattyn' qoljetimdiligi. UKP Basqarma To'rag'asynyn' ai'ty'yns'a, Almaty oblysy qoldanystag'y bas jospardyn' materi'aldary men egjei'-tegjei'li josparlay'dy qamti'tyn qala qurylysy jobalary boi'yns'a geoaqparattyq derekter bazasyn qury' jumysyn bastady. Mundai' jumys Qyzylorda oblysy, Astana ja'ne Almaty qalalarynda ju'rgizily'de.

«A'kimdikterdin' bas josparlar ty'raly, egjei'-tegjei'li josparlay' ja'ne bos jatqan jer y'c'askeleri ty'raly aqparatty onlai'n qoljetimdi ety' u's'in qarajat bo'ly'i o'te man'yzdy. Mysaly, 5-6 si'yry bar «Bastay'dyn'» tu'legi o'z isin ken'ei'tip, tag'y 10-15 si'yr satyp aly'g'a ni'etti. Og'an jai'ylym qajet. Jer y'c'askesi izdegen ol jer y'c'askesinin' joqtyg'yn nemese bos jatqan jer y'c'askesi ty'raly aqparattyn' joqtyg'yn biledi. Ka'sipker izdemey'i kerek. Barlyq aqparat onlai'n reji'mde qoljetimdi boly'y ti'is. Ka'sipkerler barlyq esikterdi qaqpai', barlyq qyzmetti bir jerden aly'y u's'in bul alan'dy O'n'irlik palatalar arqyly qury' qajet», – dedi Abylai' Myrzahmetov.

Ulttyq ka'sipkerler palatasynyn' Basqarma To'rag'asy qarjy resy'rstaryna qoljetimdilikti qamtamasyz ety', memlekettik satyp aly'lardy jetildiry', otandyq tay'ar o'ndiry's'ilerdi qolday' ja'ne kadrlardy oqyty' ty'raly atqarylg'an ja'ne josparlang'an jumystar barysy ty'raly a'n'gimeledi.

«Ai'maqtardag'y fermerlerdin' tag'y bir man'yzdy ma'selesi – say'da jelilerine qoljetimdilik. Bu'gingi tan'da a'ley'mettik-ka'sipkerlik korporasi'alar (A'KK) eldi mekenderde fermerler o'z o'nimderin o'tkizy'ge bolatyn ko'terme ja'ne taraty' ortalyqtarynyn' ju'i'esin (KTO) qury'da. Osyndai' ortalyqtardyn' joqtyg'ynan olar o'ndiristin' 30% -yn jog'altady. Fermerler naryqqa s'yg'y' ma'selesin o'zderi s'es'pey'i kerek. Olar tek o'nimdi qoi'mag'a o'tkizip, ti'esili qarajatty aly'g'a mindetti. Qazirgi y'aqytta KTO ju'i'esi boi'yns'a Ay'yl

s'ary'as'ylyg'y mi'ni'strligimen birlesip jumys atqaryly'da», — dedi Abylai' Myrzahmetov.

Kezdesy' barysynda Almaty oblysy Ka'sipkerler palatasynyn' O'n'irlik ken'esinin' to'rai'ymy Ri'mma Salyqova ka'sipkerlikke uzaq merzimdi kelisims'arttardy engizy' qajettiligi ty'raly ma'seleni ko'terdi.

«Bizdin' zay'yt jol qurylysy materi'aldaryn o'ndiry'men ai'nalysady. Naryqqa s'yqqanymyzg'a 10 jyl boldy. Tenderler jeltoqsan ai'ynda, kei'de qan'tarda nemese aqpan ai'ynda o'tedi, al tapsyry's'y o'nimdi nay'ryz ai'ynda talap etedi. Osy az y'aqyt is'inde men kelisimge qol qoi'yp, s'i'kizat satyp alyp, o'nimdi dai'yndap, bu'kil Qazaqstan boi'yns'a jetkizip bery'ge mindettimin. Qazirgi jag'dai'da bul mu'mkin emes. Sondyqtan bi'zneske uzaq merzimdi kelisims'arttar bery' o'te man'yzdy. Sonda g'ana bi'znes o'z jumysyn josparlai' alady. Bul ma'sele mende g'ana emes, bul ju'i'eli ma'sele. Mektep ashanalarynda, ay'ry'hanalarda da osyg'an uqsas jag'dai', olar da jyl sai'yn satyp aly'dy jari'alay'g'a ma'jbu'r bolady», – dei'di ka'sipker.

O'z kezeginde Abylai' Myrzahmetov «Samuryq-Qazyna» ulttyq a'l-ay'qat qorymen bes jyl merzimge uzaq merzimdi kelisims'arttar jasay' ty'raly kelisimge qol jetkizilgenin atap o'tti.

«Bul ka'sipker u's'in de, tapsyrys bery's'i u's'in de yn'g'ai'ly. Bu'ginde biz iri jobalar boi'yns'a memlekettik satyp aly'dy ju'zege asyry'dy josparlap otyrmyz. Menin' oi'yms'a, mektepter men ay'ry'hanalarda konky'rstar o'tkizy' durys emes. Munda qog'amdyq ja'ne a'ley'mettik mu'ddeler turg'ysynan kely' kerek. Biz osy bastamany qolg'a aly'g'a dai'ynbyz», – dep atap o'tti UKP Basqarma To'rag'asy.

Tag'y ereks'e talqylang'an taqyryp – jumyssyzdar men o'zin-o'zi jumyspen qamtyg'andardyn' «Bastay'» jobasyna qatysy'y. Jobanyn' tu'lekteri o'zderinin' alg'as'qy oqy' na'ti'jelerimen ja'ne kezdesken qi'yndyqtarymen bo'listi.

Qazaqstan Respy'bli'kasy Parlamenti Ma'jilisinin' depy'taty Nurtai' Sa'bi'li'anov o'n'irlik bi'znestin' ma'seleleri men usynystary Parlamenttin' sessi'alarynda jari'alanatyn bolady dep ma'limdedi.

«Prezi'dent bi'znesti qolday'g'a ereks'e ko'n'il bo'ledi. Bul jaqynda ka'sipkerlik qyzmeti ty'raly qol qoi'ylg'an zan'da ky'a'landyrylg'an. Jalpy, barlyq Bes a'ley'mettik bastama ka'sipkerlikpen tyg'yz bai'lanysty. Bu'ginde biz «Atamekenmen», salalyq qay'ymdastyqtarmen birlesip ka'sipkerlik salany jetildiry' boi'yns'a normati'vtik-quqyqtyq aktilerge o'zgerty'ler engizy' boi'yns'a jumystardy jalg'astyry'damyz», – dedi depy'tat.

Sondai'-aq Nurtai' Sa'bi'li'anov Ka'sipkerler palatasynyn' ken'sesi Ka'sipkerlerdin' u'i'i ekenin ai'typ o'tti. Ol Almaty oblysy a'kimdiginin'

qolday'ymen qurylg'an bolatyn. Ol o'zge o'n'irler u's'in bi'znes pen bi'lik arasyndag'y o'zara qarym-qatynastyn' tabysty u'lgisi.

QR Prezi'dentinin' Bes a'ley'mettik bastamasyn ju'zege asyry'dy qadag'alay' u's'in respy'bli'kalyq qog'amdyq ken'estin' mu's'eleri – «Atameken» Ulttyq ka'sipkerler palatasynyn' Basqarma To'rag'asy Abylai' Myrzahmetov, QR Parlamenti Ma'jilisinin' depy'taty Nurtai' Sabi'li'anov jumys sapary ai'asynda oblys a'kiminin' qatysy'ymen o'tken otyrysqa qatysty, O'n'irlik ka'sipkerler palatasynyn' ken'sesinde boldy, ka'sipkerlerge tolyq formatty qyzmet ko'rsety' ortalyg'y jumysyn bai'qap, Taldyqorg'an qalasyndag'y 16-qabatty u's' turg'yn u'i'din' qurylysymen tanysty. Sondai'-aq, sapar barysynda «Taldyqorg'an» avtomattandyrylg'an gaz taraty' stansi'asyna ja'ne «Sarymsaqov R.J.» s'ary'a qojalyg'yna bary' da josparlanyp otyr.

 

Bo'lisy'
Share on FacebookTweet about this on TwitterEmail this to someoneShare on VK