Alako'lde jylyna 30 myn' ty'ri'stti qabyldai'tyn bes juldyzdy jan'a qonaqjai' kes'eni as'yldy. Bul ty'raly taldykorgan-online.kz portaly Almaty oblysy a'kiminin' resmi' sai'tyna silteme jasap habarlai'dy.

Ay'qymdy jobany «Falcon Petroleum» JS'S-i ju'zege asyrg'an. Tartylg'an i'nvesti'si'anyn' jalpy ko'lemi 4 mlrd. ten'geni qurai'dy. Ko'psalada qyzmet ko'rsetetin qonaqjai' kes'eninde 107 bo'lme bar. Bir mezette 450 adamnyn' jai'g'asy'yna mu'mkindik bar. Onyn' 97-i standartty, 4-y'i li'y'ks ja'ne 1-i prezi'denttik li'y'ks sanatyndag'y bo'lmeler. Kes'ennin' jalpy ay'mag'y 16 ga, onyn' 10 gektary sai'abaqqa arnalg'an. Qonaqjai' kes'eni 5 qabattan turady.

Ol jerde 80 jan'a jumys orny as'yldy. Demaly's'ylarg'a jazg'y terassasy bar kafe, mons'a, karaoke kly'by, du'ken, balalardyn' oi'yn alan'qai'y, volei'bol ja'ne u'stel tenni'sinin' alan'y, kitaphana, avtoturaq pen o'zge de jai'ly jag'dai'lar qarastyrylg'an.

Ko'pfy'nksi'aly «Ko'ktem Grand Resort» qonaqjai' kes'eninin' saltanatty as'yly'y ra'simine oblys a'kimi Amandyq Batalov qatysty.

Jan'a nysannyn' as'yly'ynda so'z alg'an o'n'ir bass'ysy Alako'l jag'alay'ynyn' i'nfraqurylymyn damyty' jo'nindegi Elbasynyn' tapsyrmasyn orynday' boi'yns'a Almaty oblysynda ay'qymdy jumystardyn' qolg'a alynyp jatqandyg'yn jetkizdi. Sonymen qatar, oblys a'kimi jergilikti bi'y'djet esebinen Aqs'i' ay'ylynan Alako'l jag'alay'ynda ornalasqan demalys oryndaryna dei'ingi jalpy uzyndyg'y 23,8 s'aqyrym bolatyn joldar qalpyna keltirilgendigin atap o'tti. Og'an 3 mlrd. tenge qarajat jumsalg'an.

Bi'yl «U's'aral – Dostyq» ja'ne «Taldyqorg'an – Dostyq» bag'ytyndag'y avtomobi'l joldaryna da jo'ndey' jumystary bastaldy.

Demaly's'ylardy Alako'l jag'alay'yna jai'ly jetkizy' maqsatynda «Jetigen – Dostyq — Jetigen» bag'ytynda temirjol ja'ne «Almaty – U's'aral — Almaty», «Astana – U's'aral — Astana», «Taldyqorg'an – U's'aral — Taldyqorg'an» bag'yttary boi'yns'a a'y'e qatynastary qyzmet ko'rsetedi. Bul maqsattarg'a jergilikti bi'y'djetten 516,4 mln. tenge qarajat bo'lingen. Kelesi jyldan bastap U's'aral qalasyndag'y a'y'ejai'dyn' us'y'-qony' jolag'yn qalpyna keltiry' jumystarymen qatar ko'ldin' jag'asyn s'ai'yly'dan qorg'ay' jumystaryn qolg'a aly' josparlany'da.

Ai'ta ketei'ik, o'tken jyly ko'lge kelgen demaly's'ylardyn' sany 700 myn'dy qurasa, bi'ylg'y jazg'y may'symda olardyn' sany 1 mi'lli'onnan asyp tu'sti.

Bo'lisy'
Share on FacebookTweet about this on TwitterEmail this to someoneShare on VK