Парасыз болашаққа. Бірге!

441
фото Сымбат Исрапулова

Талдықорғанда Қазақстан Республикасы мемлекеттік қызмет істері және сыбайлас жемқорлыққа қарсы іс-қимыл агенттігі Алматы облысы бойынша департаментінің ұйымдастыруымен арнайы форум өтті. Мұндағы мақсат – сыбайлас жемқорлықтың кез келген көріністеріне мүлдем төзбеушілік қағидасын және қоғамда сыбайлас жемқорлыққа қарсы мәдениетті қалыптастыру.

Фото Сымбат Исрапулова

Форумға жиналған қауым алдында сөз алған аймақтағы департамент басшысы Серікбей Нұрғисаев: «Дүйым елге мәлім үстіміздегі жылдың 10 қаңтарда Елбасы Н.Назарбаевтың «Төртінші революция жағдайында жаңа даму мүмкіндіктері» атты халыққа Жолдауы жарияланған болатын. Соның 9-шы тапсырмасын және «100 нақты қадам» Ұлт жоспарының 13 қадамын іске асыру негізінде «Парасыз болашаққа. Бірге!» атты сыбайлас жемқорлыққа қарсы акция өз жұмысын бастаған. Аталмыш акция аясында өткен жылы өңірдегі әр аудандар мен қалаларда Сыбайлас жемқорлыққа қарсы мобильді топтар құрылып, ақпараттық-түсіндіру жұмыстарын жүргізе бастаған еді. Соның нәтижесінде топ мүшелері арнайы  жасақталған 22 автокөлікпен Жетісудың барлық аудан, қалаларына қарасты шалғайдағы елдімекендерге дейін аралап, 400-дей еңбек ұжымымен кездесіп, 72 мыңнан астам адамға  тиісті ақпарат берді. Онда мобильді топ мүшелері қарапайым халыққа сыбайлас жемқорлық көріністері немесе мемлекеттік қызмет алу барысында кедергілерге тап болған жағдайда қалай әрекет ету керектігін түсіндіріп, өзге де мәселелер бойынша көшпелі қабылдау өткізді. Бұл науқан бұдан былайда жалғаса береді. Бүгінгі  форумда Алматы облысының барлық аудандары мен қалаларында сайыс негізінде өткізілетін сыбайлас жемқорлыққа қарсы «Адал жол» марафоны іске қосылды. Марафонға аймақтағы әр ауданның тұрғындары мен мемлекеттік қызметшілер, жастар қатысуда» – деді. Осыдан соң бірқатар үздіктер марапатталды. Іс-шара барысында «Адал Ұрпақ» ерікті мектеп клубтарының белсенділері өнер көрсетіп, сыбайлас жемқорлыққа қарсы мобильді топтарының арнай безендірілген автокөліктері Талдықорған көшелерінде автошеру ұйымдастырды. «Парасыз болашаққа. Бірге!» акциясының кең көлемде таралуы үшін эстафета Алакөл ауданына  табыс етілді.

Бөлісу
Share on FacebookTweet about this on TwitterEmail this to someoneShare on VK