Білім  күні мерекесімен  қатар еліміздің тарихында, жаңа бір  саяси ахуал  орын алғаны  баршамызға аян.   Жыл сайын үлкен үміт сыйлайтын  Президенттің Жолдауын жаңа оқу жылының басталуымен  қатар келуін жақсылыққа баладық. Сондықтан да болар,   бұл маңызды құжат  әрбір азаматтың ерекше  назарын аудартты.

Мемлекет басшысы алдымызда  тұрған айрықша міндеттерге  тоқталып өтті.

Соның бірі — «Ұлттық қор – балаларға»  деген  бағдарламаны  ұсынды. Әрбір отбасы  еліміздегі   ұлттық байлықтың игілігін көруі  керек. Сондықтан, мен жариялаған  Балалар  жылының аясында «Ұлттық қор – балаларға»  атты   жаңа бағдарламаны жүзеге асыру өте маңызды  деп ерекше  тоқталып өтті.

Ұлттық қордың жыл сайынғы инвестициялық табысының 50 пайызын  балалардың арнаулы  жинақтаушы есепшотына  аударуды  ұсынды. Қаржы әр  бала 18 жасқа толғанға дейін  аударылып тұрады, оны мерзімінен  бұрын есепшоттан  шығарып алуға болмайтындығын ескертті. Жинақталған қаржы балалар кәмелет жасына  толғаннан кейін олардың баспана  немесе білім алуына жұмсалатын болады. Бұл қаражат өскелең ұрпақтың үлкен өмірге қадам басуына мүмкіндік береді. Қор, шын мәнінде, ұлттық мәртебеге ие болып, халқымыздың игілігіне қызмет етеді. Бастаманы мұқият әзірлеу қажеттігін ескере отырып, жобаны 2024 жылғы 1 қаңтардан бастап, жүзеге асыруды тапсырды.

Жалпы біз, «жастар – болашақтың қожасы» деп оларға үлкен сенім артамыз және үміт күтеміз. Ол үшін осы жастардың сапалы біліммен, саналы тәрбие алуы үшін  керекті жағдайлар жасалуы тиіс. Ерім дейтін ел болмаса, елім дейтін ер қайдан болсын. Сондықтан Ұлттық қорды ұрпақ игілігі үшін жұмсалса, ол болашаққа салынған инвистиция деп білемін.

Халқымыз татулық пен тұрақтылыққа ерекше мән берген. Оны бәрінен биік қойған. Біз дәл осы кезде бір жағадан бас, бір жеңнен қол шығара білуіміз керек.

Осы Жолдауда халықтың көңілінде жүрген мәселелердің түйінін тарқатар көптеген жақсы жаңалықтар айтылды. Енді ұрпағымыз мемлекеттің үлесін ала бастайды. Бұл дегеніміз мемлекеттің халыққа деген бетбұрысын көрсетеді.

                                                                                                    Әли Алпысбаев,

                                                                      Сүйінбай атындағы   филармониясы

                                                                 М. Төлебаев атындағы халық аспаптары

                                                                                                    оркестрінің бас                                                                                                                     дирижері, 

                                                              ҚР Еңбек сіңірген қайраткері, композитор.

Бөлісу
Share on FacebookTweet about this on TwitterEmail this to someoneShare on VK