Бүгінде жылжымайтын мүлікпен мәмілені жасау кезінде тараптар нотариалдық немесе қарапайым жазбаша түрін таңдай алады. Егер  халыққа қызмет көрсету орталықтары арқылы тіркейтін болсаныздар онда операторға келесі құжаттарды ұсыну қажет дейді аталған сала мамандары.

 Алдымен сатып алу және сату келісімшартының 2 данасын жасасыңыз:

-мүліктің техникалық паспорты;

-мүлік меншігіне құқық беретін құжаттар (сатушы тарапынан);

-некеде болса, екі тараптың да жұбайының нотариус арқылы рәсімделген келісімі;

-егер жылжымайтын мүлік құрылыс компаниясынан сатып алынатын болса, қосымша:

-сату жөніндегі шешім;

-сатып алушы некеде болса, нотариус арқылы жұбайының рәсімделген келісімі.

Есіңізде болсын, ХҚКО-ға дайын келісімшартпен келулеріңіз қажет. Келісім-шартта міндетті түрде жылжымайтын мүліктің барлық сипаттамасы (ауданы, қабаты, пәтер нөмірі, кадастр нөмірі және басқа да техникалық сипаттамалары) көрсетілуі тиіс.

Жылжымайтын мүлікті құрылыс компаниясынан алған жағдайда, ХҚКО-ға компания өкілі келетін болса, келісімшартта оның аты-жөні көрсетілуі қажет. Егер олай болмаған жағдайда, келісімшартқа қол қоюшы, яғни компания директоры, директорлыққа тағайындалғаны жайында бұйрықпен ХҚКО-ға өзі келеді.

Қызмет құны (тұрғын үй үшін) — 1 202 тг.

Қызмет құны тұрғын үйден басқа жылжымайтын мүлік түрлері үшін (қойма, автотұрақ т.б.) ауданына қарай өзгереді.

Егер тұрғын үй жекежай болса, қызмет құны өзгермейді, бірақ жер телімі және басқа да жекежай аумағындағы құрылыс нысандары үшін қосымша төлем жасалады.

Қызмет көрсету мерзімі құжат тапсырған күнді есепке алмағанда – 1 жұмыс күні.

 

Бөлісу
Share on FacebookTweet about this on TwitterEmail this to someoneShare on VK