Taldyqorg'an qalasyndag'y I. Jansu'girov atyndag'y Ma'deni'et sarai'yna Jetisy'dyn' segiz birdei' o'ner tarlanyn eske aly'g'a arnalg'an a'debi' sazdy kes' o'tti. Kes' ju'rgizy's'isi beligili aqyn Jumatai' Ospanuly. Osymen  to'rtins'i ret ui'ymdastyrylyp otyrg'an «Tag'zym» atty s'arag'a Almaty oblysy a'kimdigi jan-jaqty qolday' ko'rsetip, oblystyq tilderdi damyty' basqarmasy ui'tqy bolg'an.   Mundag'y  maqsaty   – o'n'irdegi ult ma'deni'etinin' o'rkendey'ine eley'li u'les qosyp kelken o'ner mai'talmandarynyn' en'begin  ken'inen da'riptey'  arqyly  jastarg'a u'lgi o'nege syi'lay'.

foto A. Qajeke

 Kes' s'ymyldyg'y  ot ay'yzdy, oraq tildi zag'i'yp aqyn Temirg'ali' Ru'stembekovtin' 14 jasynda a'ke-s'es'esin sag'yna jazg'an jyr s'y'maqtarymen tu'rildi. Osydan son' aqynnyn' o'miri jai'ly  «Jetisy'» telearnasy arnai'y  dai'yndag'an bei'nebai'an jurt nazaryna usynylyp, qyzy Ku'nsai'a Ospanova a'kesi ty'raly estelikterimen bo'listi. Kelesi kezekte jurt li'ri'k aqyn, birnes'e dramalyq  s'yg'armalar men dastandardyn' avtory  Qudas' Muqas'evti eske aldy.  Qysqa g'ana qyryq bir jyldyq g'umyrynda  artyna o's'pes iz qaldyryp ketken  Qudas' aqyn men onyn' jary Aqjoltai'dyn' jastyq s'ag'y s'eber somdalg'an sahnalyq qoi'ylymda ko'rinis tapty. Da'l osylai' bastalg'an tag'ylymdy s'ara a'y'ezdi a'n, tolg'amdy jyr joldarymen jalg'asyp, qazaq jy'rnali'sti'kasynyn' qos tarlany  Baqyt A'limov, Rafat A'bdig'ulovqa, «Jetisy'» telearnasyna eley'li en'bek sin'irgen Edil To'kenov, Natali'a Borsenko, Tursynbek Ybyrai'ymbekulyna ja'ne sahnalyq tekti o'nerdin'  ten'desiz s'eberi  Asan I'saevqa arnaldy.  Ji'nalg'an jurt aldynda so'z alg'an  Almaty oblysynyn' tilderdi damyty' jo'nindegi basqarmasynyn' bass'ysy Ai'dar Bas'baev : «Ultymyzdyn' ry'hani', ma'deni' murasy – so'z o'nerinin' asyl qazynasyna o'ls'ey'siz u'les qosqan Jetisy' o'lkesinin' ma'deni'et ja'ne a'debi'et salasynyn' qai'ratkerlerine qurmet ko'rsety' – bizdin' basty paryzymyz. Osydan to'rt jyl buryn aqyn Ahmetbek Kendirbekulynyn' bastamasymen qolg'a alyng'an «Tag'zym» s'arasy jyl sai'yn  jalg'asyp, da'stu'rge ai'naldy. «Jaqsynyn' jaqsylyg'yn ai't, nury tasysyn» demeks'i, joba avtoryna ai'tar alg'ysymyz s'eksiz. Bul is budan bylai' da jalg'asa bermek. Ma'n'gilikke bag'yt alg'an qazaq eli barda arystai' azamattardyn' esimi el esinen es' o's'pei'tin  bolady» – dedi.

 S'ara barysynda  kes' kei'ipkerlerinin' qylqalam s'eberleri salg'an  sy'retteri ty'g'an-ty'ys, et jaqyndaryna  tabys  etildi.

Bo'lisy'
Share on FacebookTweet about this on TwitterEmail this to someoneShare on VK