Қашықтағы жұмыс Еңбек кодексінде заңды түрде енгізіледі. Сенат осыған қатысты тиісті түзетулер қабылдады, деп хабарлайды  ақпарат көздеріне  сілтеме жасап taldykorgan-online.kz.

Еңбек кодексіне «қашықтан жұмыс» және «аралас қашықтықтан жұмыс» сияқты ұғымдар енгізіледі, сондай-ақ, осындай жұмыс форматтарына байланысты заңнамалық олқылықтардың орны толықтырылады.

«Қашықтан жұмыс істеу әлемдік трендке айналуда. Бұған, әрине, пандемия әсер етті. Азаматтардың қашықтықтан жұмыс істеу режиміне көшуі кезінде тиісті заңнамалық реттеудің болмауы еңбек қатынастары саласында бірқатар проблемалар туғызды. Аталған Заң осы мәселелерді реттеуге және қашықтан жұмыс істеудің құқықтық негіздерін кеңейтуге арналған», — деді Сенат төрағасы Мәулен Әшімбаев.

Парламент депутаттары қазақстандықтардың еңбек құқықтарын қорғау үшін осындай Заң шығаруға бастама жасады. Қашықтан жұмыс істейтін жұмысшылардың жұмыс уақытының белгіленген есебі, жұмыс берушінің өз қызметкерлерін жабдықтармен, байланыс қызметтерімен және басқа да бірқатар нормалармен қамтамасыз ету міндеттеледі.

Егер қызметкер еңбек шартында көрсетілген жұмыс көлемін орындаса, қашықтан жұмыс форматында жалақы толық мөлшерде төленуі керек.

 

Бөлісу
Share on FacebookTweet about this on TwitterEmail this to someoneShare on VK