Сәуле Жанпейісова шеберлік сабағын өткізді

424
Фото авторы А.Нұршанов

ҚР еңбек сіңірген қайраткері, дәстүрлі әнші Сәуле Жанпейісова қаламыздағы Қанабек Байсейітов атындағы саз колледжінің білімгерлерімен кездесіп,  шеберлік сабағын өткізді.

Фото авторы А.Нұршанов

Ең әуелі оркестр құрамы бірнеше шығарма орындап, бұрын-соңды еш жерде орындалмаған туындының тұсауын  кесті. Айта кетейік, аталмыш оқу орны дәстүрлі ән бағыты бойынша екі жыл көлемінде шәкірт тәрбиелеп келеді. Нәтижесі көңіл қуантарлықтай. Жас өнер иелері тек елімізде ғана емес, алыс-жақын шет елдерде  өнер көрсетіп, жүлдегер атануда. Білім ордасының басшысы бұл үрдісті биылғы жылы да жалғастыру жоспарда екендігін атап өтті.

Фото авторы А.Нұршанов

Кездесуге арнайы келген Сәуле Жанпейісова дәстүрлі ән өнерінің  кешегісі мен бүгіні, дәстүр жалғастығы, ұстаздық жолындағы қызықты сәттер мен қиындықтар жайлы кеңінен тарқатып берді. Әңгіме барысында “Өнер жолында қиын кезеңдер көп кездеседі. Соның барлығына төтеп бере білу қажет. Қандай қызмет атқарсам да өнерімді тастаған емеспін. Себебі, халық ең әуелі мені әнші ретінде таниды, бағалайды”-деді.

Фото авторы А.Нұршанов

Сонымен қатар колледж білімгерлерімен шеберлік сабағын өткізді. Олардың сахна мәдениетін меңгеру деңгейі, әнді нақышына келтіре орындау, домбырада ойнау шеберліктеріне назар аудара отырып, бірнеше пайдалы  кеңестерімен  бөлісті.

Бізді  TDKO қосымшаcынан оқу ыңғайлырақ! AppStore-дан жүктеу үшін.

Бөлісу
Share on FacebookTweet about this on TwitterEmail this to someoneShare on VK