Зобалаң жылдар зардабы ұмытылмайды

142

Мемлекет басшысы Қасым-Жомарт Тоқаевтың Саяси қуғын-сүргін және ашаршылық құрбандарын еске алу күніне орай үндеуі жарияланды.  Бұл тарихымызды жас ұрпақтың ұмытпауы, қастерлеуі бағытындағы атқарылар шараларға бағыт берер маңызды  құжат.

 Ел тарихына зерделей көз салар болсақ, ашаршылық,  жазықсыз қудалау, жазалау –солақай саясаттың кесірі. Оның қазақ халқына тигізген зияны мол болды.  Күнкқөрісі болған малынан айырылуы, еріксіз отырықшылдыққа итермелеген ауылдар жаңа жағдайға бірден көндіге алмай тұрмыс- күйлері нашарлап, жаппай ашаршылыққа ұшырағаны тарихтан белгілі. Ауыл-аймақты, мал-мүлкін аман алып қалу үшін шекаралас шетелдерге Қытай, Иран, Ауғанстанға жаппай үдеріле көшу белең алды.

Президент атап көрсеткендей, ХХ ғасырдың 20-50 жылдарындағы саяси қуғын-сүргін, бұл еліміз тарихындағы ең қасіретті жылдар. Тәуелсіздік таңы атқаннан кейін осы нәубеттің құрбандарын мәңгі есте сақтау бағытындағы жұмыстар қолға алынды. Жазыққсыз жазаланған, мемлекет және қоғам қайраткерлері қазақтың  ақын-жазушылары, өнер адамдары, зиялылар ақталып, асыл есімдері оралды.  Мұрағатқа көмілген еңбектері ортамызға оралды.  Ескерткіштер бой көтерді.  Ал қазақ жері күштеп жер аударылған адамдарға  пана болып, бір үзім нанды бөліп жегені де тарих парағы. Елімізде Алғыс айту күні аталып өтіледі. Мұның бәрі де өткенімізді ұмытпау, құрметтеу болып табылады. Әр білім шаңырағы оқушыларға тарихымыздың тағылымын  дәріптеу мақсатында көптеген игі істерді үзбей өткізіп келеді.

                                                                                            Гүлбаршын Шакерова,

                                                                Мектепке дейінгі шағын орталығы  бар                                                                                  

                                                                             №26 орта мектебі директорының

                                                                                 оқу ісі жөніндегі орынбасары.

 

 

Бөлісу
Share on FacebookTweet about this on TwitterEmail this to someoneShare on VK