«Теңізшевройл» ЖШС-да жұмыс істейтін Алматы облысының 64 тұрғыны Атыраудан әуе рейсімен Алматы әуежайына жеткізіледі. Олар әуежайдан арнайы автобуспен Қапшағай қаласының маңына жеткізіліп, «Күншуақ» демалыс орнына орналастырылады, — деп хабарлады Алматы облысы әкімінің баспасөз қызметі.

Серіктіктік қызметкерлері соңғы айда Теңіз кенішінде вахталық ауысымда жұмыс істеген, олар COVID-19 инфекциясы анықталған Ватернас вахталық кентінде тұрмаған. Дегенмен, қауіпсіздік мақсатында әуе рейсіне коронавирус инфекциясына тексеру экспресс-тестінің нәтижесі теріс болғандар ғана отырғызылды. Олар Қапшағай қаласына жеткізілгеннен кейін екі күн карантинге алынады. Облыс басшылығының тапсырмасымен аталған демалыс орнында барлық санитарлық-дезинфекциялық шараларды сақтай отырып, карантин кезінде жолаушылардың өмір сүруіне қажетті барлық жағдайлар толық қарастырылған. Екі күннен кейін аталған жолаушылар тұрғылықты жерлеріне арнайы автобустармен жеткізілетін болады.

 

 

 

Бөлісу
Share on FacebookTweet about this on TwitterEmail this to someoneShare on VK