Qazaqstan Respy'bli'kasy En'bek ja'ne halyqty a'ley'mettik qorg'ay' mi'ni'strligi mamandarynyn' boljamy boi'yns'a 4 nemese odan ko'p balasy bar 340,3 myn' otbasy ko'pbalaly boly'yna bai'lanysty memlekettik ja'rdemaqyg'a u'mitker bola alady. Ai'ta keterligi, atalg'an ja'rdemaqy engizilgennen bastap Qazaqstandag'y ko'pbalaly otbasylar sanynyn' arty'yna bai'lanysty aly's'ylar sany da arty'y mu'mkin.

Atalg'an memlekettik ja'rdemaqyny engizy' Memleket bass'ysynyn' ag'ymdag'y jylg'y 2 qyrku'i'ektegi Qazaqstan halqyna Jolday'ynda ai'tylg'an tapsyrmasy boi'yns'a QR En'bekmi'ni a'zirlegen atay'ly a'ley'mettik ko'mek ko'rsety'din' jan'a tetikterinde (budan a'ri – AA'K) ko'zdelgen tabysy az ja'ne ko'pbalaly otbasylardy qolday'dyn' negizgi u's' bag'ytynyn' biri bolyp tabylady. Tai'ay'da QR En'bekmi'ni ti'isti zan' jobasyn Qazaqstan Respy'bli'kasy Parlamentinin' qaray'yna engizy'di josparlap otyr.

Jog'aryda atalg'an memlekettik ja'rdemaqy 4 nemese odan da ko'p ka'meletke tolmag'an nemese 23 jasqa dei'ingi ku'ndizgi bo'limde oqi'tyn balalary bar barlyq ko'pbalaly otbasylarg'a tabysyna qaramastan to'lenedi dep josparlany'da. Memlekettik ja'rdemaqynyn' mo'ls'eri bala sanyna qarai' saralanady. I'ag'ni', 4 balasy bar otbasylarg'a 42 500 ten'ge, 5 balag'a – 53 125 ten'ge, 6 balag'a – 63 750 ten'ge, 7 ja'ne odan da ko'p balalarg'a 74 375 ten'ge to'lenedi.

Orta eseppen alg'anda, ja'rdemaqy mo'ls'eri a'r balag'a 10-11 myn' ten'geni qurai'dy, bul 2018 jyldan bastap tag'ai'yndalmai'tyn osyg'an uqsas ja'rdemaqydan 4-7 esege ko'p.

Ai'ta keterligi, Qazaqstanda bu'ginde bala sany 7-den asatyn 3151 otbasy bar. «Altyn alqa», «Ku'mis alqa» alqalarymen marapattalg'an nemese buryn «Batyr ana» atag'yn alg'an ja'ne «Ana dan'qy» ordenimen marapattalg'an ko'pbalaly analarg'a jeke memlekettik ja'rdemaqy to'lenedi, olardyn' ortas'a mo'ls'eri 16 160 ten'geni qurai'dy. Ag'ymdag'y jylg'y 1 qazandag'y jag'dai' boi'yns'a ony 235 myn'g'a jy'yq adam alady. Bul memlekettik ja'rdemaqynyn' to'leny'i saqtala bermek.

Budan buryn habarlang'andai', ag'ymdag'y jylg'y 7 qazanda QR U'kimeti otyrysynda En'bek ja'ne halyqty a'ley'mettik qorg'ay' mi'ni'stri Birjan Nurymbetov Qazaqstanda 2020 jylg'y 1 qan'tardan bastap engizy' josparlanyp otyrg'an AA'K ko'rsety'din' jan'a tetikterin tanystyrg'an bolatyn.

«En' basty pri'nsi'p – memleket ko'mekke muqtaj adamdarg'a, a'sirese balalar men ko'pbalaly otbasylarg'a ko'mektesedi! En'bekke qabiletti azamattar jumys istey'i kerek. Memleket jumysqa ornalasy'g'a nemese s'ag'yn bi'znespen

ai'nalysy'g'a ko'mektesedi. Memlekettik ko'mekke – ko'p balaly otbasylardy qolday', tabysy to'men otbasylarg'a atay'ly a'ley'mettik ko'mek ko'rsety', tabysy az otbasylardag'y balalarg'a beriletin kepildendirilgen a'ley'mettik paket kiredi», – dedi Birjan Nurymbetov.

Mi'ni'strdin' ai'ty'yns'a, ko'pbalaly otbasylarg'a qolday' ko'rsety' respy'bli'kalyq bi'y'djetten memlekettik ja'rdemaqylar engizy' arqyly qamtamasyz etiletin bolady. Bul memlekettik ja'rdemaqy barlyq ko'pbalaly otbasylarg'a (4 nemese odan da ko'p ka'meletke tolmag'an balasy bar) tabysyna qaramastan to'lenedi.

AA'K tabysy az otbasylarg'a, sonyn' is'inde ko'pbalaly otbasylarg'a to'lenetin bolady. En' to'men ku'nko'ris den'gei'inin' 70%-y tag'ai'ynday'dyn' s'ekti kri'teri'i bolyp qala beredi. Eger en'bekke qabiletti otbasy mu's'esi usynylg'an jumystan ja'ne jumyspen qamty'g'a ja'rdemdesy' s'aralarynan bas tartsa, onda AA'K to'lemi tek og'an g'ana emes, bu'kil otbasyna da toqtatylady

Tabysy az otbasylardan s'yqqan balalar u's'in kepildendirilgen a'ley'mettik paketti engizy' usynylady. 1 jastan 6 jasqa dei'ingi balalardy azyq-tu'lik ji'yntyg'ymen ja'ne gi'gi'enalyq quraldarmen, 6 jastan 18 jasqa dei'ingi balalardy mektepterde ystyq tamaqpen, oqy' quraldarymen ja'ne mektep ki'imimen qamtamasyz etedi, sondai'-aq olarg'a mektepke dei'ingi jol ju'ry' s'yg'yndary o'teledi. Medi'si'nalyq, onyn' is'inde stomatologi'alyq ko'mek 18 jasqa dei'ingi balalarg'a tegin medi'si'nalyq ko'mektin' kepildik berilgen ko'lemi ja'ne mindetti a'ley'mettik medi'si'nalyq saqtandyry' s'en'berinde ko'rsetiletin bolady.

 

Bo'lisy'
Share on FacebookTweet about this on TwitterEmail this to someoneShare on VK