Қарттар күніне орай «Азаматтарға арналған үкімет» мемлекеттік корпорациясы биыл құрметті демалысқа шыққан азаматтар туралы мәліметтерді жұрт назарына ұсынды. Жыл басынан бері 57 мың азаматқа базалық зейнетақы тағайындалған. Ал, жасына байланысты зейнетақы төлемдері 52 мың азаматқа рәсімделген, — деп хабарлайды корпорацияның баспасөз қызметі.

Жалпы, бүгінде  елімізде зейнетақы төлемдерін 2,2 млн. адам алады. Аймақтық бөліністе қарайтын болсақ, базалық зейнетақы ең көп Алматы облысында тағайындалған, олардың саны – 5954 адамды құраса, ең аз өңір – Атырау облысы. Онда биыл не бары 1554 азамат базалық зейнетақы ала бастаған, – дейді мамандар.

  «Зейнеткерлік – қарттықты әдемі қарсы алып, бос уақытты жақындарыңмен өткізуге мүмкіндік беретін шақ. Біз зейнеткерлікке шығу рәсімін барынша жеңілдетуге тырысып жатырмыз. Бір жыл бұрын зейнеткерлікке бір өтінішпен шығуға мүмкіндік беретін композит қызметін енгіздік. Биыл ХҚКО-ға бармай-ақ, смс-хабарлама арқылы зейнеткерлікті рәсімдеуге мүмкіндік беретін проактив қызметін іске қостық. Цифрлық жаңашылдықтар  осылайша құрметті демалысқа артық қағазбастылықсыз шығуға жол ашады»,деп атап айтқан басқарма төрайымы Әсемгүл Балташева.

Айта кетейік, зейнеткерлік жасқа жетуіне, базалық зейнетақының төленуі мен мемлекеттік кепіл төлем жасау туралы, сондай-ақ БЖЗҚ-ға төлемдерді төлеу сияқты төрт өтініштің орнына бір ғана өтініш өткізуге мүмкіндік беретін композит қызметі 2018 жылдың қазан айында енгізілді. Зейнет жасына толғанға дейін 10 күн бұрын болашақ зейнеткерге қызметті проактивті түрде рәсімдеуге ұсыныс білдіретін смс-хабарлама жолданатын қызмет 2019 жылдың тамызында енгізілген. Әзірге бұл қызметті мемлекеттік корпорациядан зейнеткерлікке шығатын жұмыскерлер пайдалана алады.

 

 

 

Бөлісу
Share on FacebookTweet about this on TwitterEmail this to someoneShare on VK