Sy'retti tu'sirgen A. Nurs'anov

Medi'si'na ui'ymdary medi'si'nalyq qujattamany qag'azsyz formatta ju'rgizy'di qolg'a aldy.  Densay'lyq saqtay' salasyn si'frlandyry' arqyly medi'si'na qyzmetkerlerinin' en'bek o'nimdiligin ulg'ai'typ,  halyqqa medi'si'nalyq qyzmetterdi  qoljetimdi a'ri sapaly  ko'rsety'di  ko'zdep otyr. O'n'irlik kommy'ni'kasi'alar qyzmeti alan'ynda «Densay'lyq saqtay' salasyn si'frlandyry'»  taqyrybynda baspaso'z ma'sli'haty o'tti.

Qazaqstan Respy'bli'kasy Densay'lyq saqtay' mi'ni'strliginin' «Respy'bli'kalyq elektrondyq densay'lyq saqtay' ortalyg'y»  S'JQ RMK Almaty oblystyq fi'li'alynyn' di'rektory Natali'a U'sentaeva  men   fi'li'al di'rektorynyn' orynbasary Birjan Bai'janov qolg'a alyng'an jumystar jo'ninde ai'typ berdi.

 Spi'kerlerdin' ai'ty'yns'a, aqparattyq tehnologi'alardy baryns'a pai'dalany' arqyly halyqqa medi'si'nalyq qyzmet ko'rsety'din' qoljetimdiligin ja'ne sapasyn arttyry' maqsatynda 2013-2020 jyldarg'a arnalg'an Qazaqstan Respy'bli'kasynyn' elektrondyq densay'lyq saqtay'dy damyty' tujyrymdamasy bekitilgen bolatyn.
Basty maqsat-  si'fr­ly tehnologi'alar arqyly me­di'­si'nalyq ko'mektin' qoljetim­dili­gi men ti'imdiligin arttyry'. Medi'si'nalyq aqparattyq ju'i'elerden ma'limetter ji'nay'dy ja'ne densay'lyq saqtay' ui'ymdarynyn' bi'znes-prosesterin tolyq avtomattandyry'dy qamtamasyz ety' bolyp tabylady.Medi'si'nalyq aqparattyq ju'i'eler u's'in en' to'men fy'nksi'onaldy talaptar  ty'raly Qazaqstan Respy'bli'kasy Densay'lyq saqtay' mi'ni'strinin' 2018 jylg'y 27 nay'ryzdag'y №127 «Medi'si'nalyq aqparattyq ju'i'eler u's'in mi'ni'maldy fy'nksi'onaldyq talaptardy bekity' ty'raly» bui'ryg'y bar.

-A'rbir turg'yn turg'ylyqty jeri boi'yns'a medi'si'nalyq ko'mek aly' u's'in tirkely'i ti'is. Bul mindetti a'ley'mettik medi'si'nalyq  saqtandyry' ju'i'esi u's'in o'te qajet.  Nay'qastyq qag'azy bu'ginde si'frlandyry'g'a ko's'irily'de. Oblys boi'yns'a tirkelgen azamattar bar, alai'da olar bul jaqta turmai'dy. Turg'yndardyn' osyndai' toby jumystyn' ilgeriley'ine o'zindik  kedergi boly'da.  Ondai' azamattar sany  112 myn'dai'. Sondyqtan qujattandyry' ortalyqtarymen jumys ju'rgizip jatyrmyz,-dedi  elektrondy densay'lyq saqtay' ortalyg'ynyn' oblystyq fi'li'al di'rektory Natali'a I'bragi'mqyzy.

Turg'yndardyn' o'z emhanasyn anyqtay'g'a 15 qazan- 15 qaras'a aralyg'ynda y'aqyt beriledi. Eger de o'zin'izdin' elektrondyq  qoltan'ban'yz bolsa,  onda isin'iz  jyldam retteledi.  Elektrondy medportal  arqyly 30-dan  asa qyzmet tu'rine qol jetkizesiz.

Bo'lisy'
Share on FacebookTweet about this on TwitterEmail this to someoneShare on VK