Мәжіліс мәдениет және спорт министрі қызметіне Ақтоты Райымқұлованың  кандидатурасын мақұлдады, — деп хабарлайды Tengrinews.kz сайтына сілтеме жасаған taldykorgan-online.kz

Мәжілісте әлеуметтік-мәдени даму комитетінің отырысы өтіп, онда Қазақстанның мәдениет және спорт министрі қызметіне тағайындау үшін Ақтоты Райымқұлованың кандидатурасы мақұлданды.

«Осы мәселе комитеттің отырысында»Қазақстан Республикасының Парламенті және оның депутаттарының мәртебесі туралы» Қазақстан Республикасы Конституциялық Заңының 22-1-бабына сәйкес қаралды. Қазақстан премьер-министрінің тапсырмасы бойынша кандидатураны премьер-министр Кеңсесінің басшысы Ғалымжан Қойшыбаев таныстырды», — делінген палата хабарламасында.

Мәжіліс әлеуметтік-мәдени даму комитетінің мүшелері Райымқұловаға бірқатар сұрақ қойып, өз тілектерін білдірді.

Комитет отырысының қорытындысы бойынша осы мәселе бойынша тиісті қорытынды қабылданды, онда «Қазақстан Республикасының Парламенті және оның депутаттарының мәртебесі туралы «Қазақстан Республикасы Конституциялық Заңының 22-1-бабына сәйкес Қазақстан Республикасының премьер-министрі ұсынған Ақтоты Рахметуллақызы Райымқұлованың кандидатурасын қаралып, Қазақстан Республикасының Мәдениет және спорт министрі лауазымына тағайындау үшін осы кандидатураны ұсыну мүмкін деп есептейді» деп белгіленеді. Соңында депутаттар кандидатқа алдағы жұмыс барысында табыс тіледі.

Ақтоты Райымқұлова осы қызметке тағайындалғанға дейін 2016 жылғы 3 қазаннан бастап вице-министр болды. 1964 жылы 2 мамырда Алматыда дүниеге келген. 1987 жылы Құрманғазы атындағы Алматы мемлекеттік консерваториясын «композиция» және «фортепиано» мамандықтары бойынша, «композиция»мамандығы бойынша аспирантураны тәмамдады. Сонымен қатар «менеджмент» мамандығы бойынша Халықаралық бизнес академиясының магистратурасында оқыды. DBA (Doctor of Business Administration) ғылыми атағы бар.

Бөлісу
Share on FacebookTweet about this on TwitterEmail this to someoneShare on VK