Bu'gin Taldyqorg'anda jy'rnali'sterdin' ka'sibi' merekesinin' qurmetine ja'ne Almaty oblystyq «Jetisy'» telearnasynyn' 20 jyldyq merei'toi'yna orai' saltanatty s'ara o'tti, — dep habarlai'dy taldykorgan-online.kz

Merekelik basqosy'da oblys a'kimi bai'lanys ja'ne aqparat qyzmetkerlerin to'l merekelerimen quttyqtap, o'zinin' jyly lebizin bildirdi.

– So'zdin' qy'atyn, jy'rnali'sti'kanyn' qai'ratyn tanytyp ju'rgen bars'an'yzg'a s'yg'armas'ylyq tabys tilei'min. Qalamdaryn'yz qarymdy, en'bekterin'iz jemisti bolsyn!, — dedi Amandyq Batalov.

Odan bo'lek, o'n'ir bass'ysy Almaty oblysy ay'mag'ynda qyzmet istep otyrg'an 136 buqaralyq aqparat quraldarynyn' jumysyna on' bag'a berdi. Atap ai'tsaq, onyn' is'inde 82 gazet, 22 jy'rnal, 4 telearana («Jetisy'», «Qai'nar», «Qaps'ag'ai'», «Alako'l TV») ja'ne ko'ptegen sai'ttar men i'nternet portaldary bar.

«Jy'rnali'ster qas'anda memlekettik sai'asatty, el is'inde ju'rgizilip jatqan iri reformalardy, ry'hani' jan'g'yry' qadamdaryn halyqqa jetkizy'de bizge zor qolday' ko'rsetip keledi», — dedi oblys a'kimi.

Sondai'-aq, Amandyq G'abbasuly Jetisy' o'n'irinin' ai'nasy – oblystyq «Jetisy'» telearnasynyn' ujymyn 20 jyldyg'ymen quttyqtady.

«Jastyqtyn' jalay'yndai' bul 20 jyldyn' ens'isinde – 240 ai', 7 200 ku'nnin' estelikteri jatyr. Ko'gildir ekran arqyly qans'ama sag'attar boi'y elge habar taratyldy. Bul jyldarda – tari'htyn' izi bar dep bilemin. «O'tkensiz bu'gin joq» dei'di halyq danalyg'y. Irgesi 1999 jyly qalang'an telearnanyn' ai'ag'ynan tik tury'yna ko'ptegen adamdar ter to'kti. Sol jyldardag'y bass'ylar Ermek Tursynov, Sa'ken Jumanuly, Natali'a Borsenko, Klara Kamarova, Mei'ram Ja'na'dilov ja'ne tag'y basqa azamattardyn' en'begi eren», — dep atap o'tti A.Batalov.

Osydan kei'in oblys a'kimi men telearna bass'ysy Bei'sen Quranbek jan'adan jaryq ko'rgen «Efi'rde «Jetisy'» kitabynyn' lentasyn qi'dy.

Oblystyq telearna alg'as'ynda «Jerui'yq» dep qurylyp, kei'in onyn' atay'y «Jetisy'» bolyp o'zgergen. Bastapqy jyldary oblys a'kimdiginin' ai'adai' bo'lmesinen habar tarata bastag'anda, telearnada 10 s'aqty adam g'ana jumys istegen. Al, qazir «Jetisy'» telearnasyn «myqty mektep» dey'ge bolady. Sebebi6 osynda ta'jirbi'e ji'nag'an ko'ptegen jy'rnali'ster qazir elimizge tanymal telearnalarda qyzmet atqaryp ju'r.

Osy aralyqtag'y «Jetisy'dyn'» jetistikteri de ai'tarlyqtai'. Telearna 20 jyldyq tari'hynda bi'ik belesterdi bag'yndyryp, «Altyn juldyz», «Di'dar», «Nur sun'qar» ja'ne «Tumar» ulttyq televi'zi'alyq bai'qay'larynda top jardy. Sonymen qatar, «Asyl so'z», «Tilsaqs'y» bag'darlamalary respy'bli'kalyq bai'qay'larda bas ju'ldeni ens'ilegen. Munyn' barlyg'y – belgili jy'rnali'st, telearna di'rektory Bei'sen Quranbek bastag'an ka'sibi' ujymnyn' en'beginin' jemisi.

Bu'ginde jan'a g'i'maratqa ko's'ken «Jetisy'» elimizge g'ana emes, tai'ay' s'et elderge de o'z habarlaryn taratyp otyr. Qazirgi y'aqytta 20-dan astam telejoba ko'rermenge usynyly'da. Tag'y bir ai'ta ketetin jai't, son'g'y jyldary telearna ujymy ki'no tu'siry' salasyna bet burg'an. Ko'rkem fi'lm bag'ytyndag'y «Qudai'y qonaq», «O, La'i'la'», «Bir y'ys bi'dai'», «Omarbek mergen» atty ty'yndylar sonyn' da'leli. Ko'pten ku'tken «Jetisy'» radi'osynyn' as'yly'y da u'lken jan'alyqtyn' biri.

Ai'ta ketei'ik, saltanatty s'arada Almaty oblysy a'kiminin' Qurmet gramotasymen, Alg'ys hatymen birnes'e jy'rnali'ster marapattaldy.

Sonymen qatar, «Jetisy'» telearnasynyn' bas prodi'y'seri Jumahmet Jai'lay'baev pen ay'dandyq «Sarqan» gazetinin' bas redaktory Jomart I'gimang'a QR Jy'rnali'ster odag'ynyn' «Qazaqstannyn' qurmetti jy'rnali'si» medali berildi. Odan bo'lek, «Qazaq jy'rnali'sti'kasynyn' qai'ratkeri» medalimen ay'dandyq «Ile tan'y» gazetinin' bas redaktory Roza Ai'darbekova, «Atameken» gazetinin' bas redaktory Ratbek Terlikbaev, «Alako'l» gazetinin' bas redaktory Azat Jaqypbek ja'ne respy'bli'kalyq «Prezi'dent ja'ne halyq» gazetinin' tils'isi G'alym Jazylbekov marapattaldy. Al, «Eren en'begi u's'in» medalin «Talday' habars'ysy» gazetinin' tils'isi Bolat Jumataev aldy.

Merekelik ji'yn konserttik bag'darlamamen jalg'asty.

Bo'lisy'
Share on FacebookTweet about this on TwitterEmail this to someoneShare on VK