Taldyqorg'anda «Jetisy' — adaldyq alan'y»  jobalyq ken'sesi ai'asynda qala a'kimdiginin' front-ofi's jobasynyn' tanystyrylymy o'tti. Halyqqa qyzmet ko'rsety'ge qolai'ly jag'dai' jasay' maqsatynda as'ylg'aly otyrg'an jan'a ortalyq «Open space» qag'i'dasy boi'yns'a jumys jasamaq. Atalg'an jobanyn' anyq-qanyg'yn bily'ge oblys ortalyg'yna irgeles qonystang'an birnes'e  ay'dan, qala a'kimderi men s'ahardag'y a'r salanyn' bass'ylary qatysty.

Ji'nalg'an qay'ym aldynda so'z alg'an Taldyqorg'an qalasynyn' a'kimi G'alymjan A'bdirai'ymov: «Front-ofi's o'z jumysynda open space (as'yqtyq) qag'i'datyna negizdeledi. Ortalyq Abai' ko's'esi 241 mekenjai'ynda ornalasady. Jalpy ay'mag'y 100 s'ars'y metrge jy'yq. Ol jerge turg'yn u'i'-kommy'naldyq s'ary'as'ylyg'y, jer qatynastary, sa'y'let qala qurylysy, jolay's'ylar ko'ligi ja'ne avtomobi'l joldary bo'limi syndy birnes'e mekemenin' mamandary ornalasatyn bolady. G'i'maratta elektrondy kezek, yn'g'ai'ly oryndarmen ku'ty' zaly, kondi'si'oner, sy'g'a arnalg'an di'spenser ja'ne aqparattyq teledi'dar si'aqty qolai'ly jag'dai'  jasalady. Mine, bul turg'yndardyn' a'r mekemeni izdep sabylmai' bir jerden memlekettik qyzmetter men qajetti ken'ester aly'yna mol mu'mkindik beredi» –dedi.

 «Nur Otan» parti'asy Taldyqorg'an qalalyq fi'li'aly to'rag'asynyn' birins'i orynbasary Amanjol Jazyqbaevtyn' ai'ty'yns'a bug'an dei'in «Open space» jobasy U's'to'be qalasynda ju'zege asyrylg'an bolatyn.  Qazir onda memlekettik qyzmettin'  41 tu'ri ko'rsetiledi. Osydan kei'in Kerbulaq ay'dany men Jarkent qalasynda jolg'a qoi'yldy. Aldag'y y'aqytta osyndai' formattag'y ken'seler Almaty oblysynyn' barlyq ay'dan,  qalalarynda iske qosylmaq.

 

Bo'lisy'
Share on FacebookTweet about this on TwitterEmail this to someoneShare on VK