Qazaqstan Respy'bli'kasynyn' Prezi'denti Qasym-Jomart Toqaev arnai'y jumys saparymen Almaty oblysynda boldy. Taldyqorg'an qalasyndag'y Saltanat sarai'ynda Jetisy' jurtymen ju'zdesken memleket bass'ysy ai'maqtag'y a'r salanyn' o'kilderi ja'ne ka'sipkerlermen  as'yq pikir almasty.

Ji'nalg'an qay'ym aldynda so'z alg'an Prezi'dent: — Jer ja'nnaty Jetisy' nebir  tari'hi' tulg'alar o'mirge kelgen qasi'etti meken. O'n'irdin'  suly' tabi'g'atyn a'n men jyrg'a qospag'an aqyn kem de kem.  Qabanbai', Bo'genbai', Nay'ryzbai', Qarasai', Rai'ymbek batyr syndy el qorg'ag'an erler men jyr alyby Jambyl men Ili'astai' aqyn ty'g'an o'lkege elmen etene aralasyp, jurttyn' pikirin tyn'day'g'a keldim.  Bul ai'maqtag'y alg'as'qy qazaq ag'arty's'ylyq mektepterinin' biri, Aqsy' jerinde as'ylg'an – Mamani'a medresesi. Ol  ult ry'hani'atyna ai'ryqs'a u'les qosty. Bul — qazaq tari'hyndag'y bilim ordalarynyn' bastay' ko'zi» — dedi.

Osydan son' oblystyq ardagerler ken'esinin' to'rag'asy Ermek Kelemsei'it, ai'maqtag'y isker a'i'elder qay'ymdastyg'ynyn' to'rai'ymy Ri'mma Salyqova, «Ma'di'na» qolo'ner bui'ymdary s'eberhanasynyn' jeteks'isi Ai'man Bi'g'ali'eva tag'yda basqa azamattar jeke-jeke so'z so'i'lep, memleket bass'ysyna ai'maqtag'y atqarylyp jatqan ay'qymdy isterdi bai'an etti.

El damy'yna ereks'e u'les qosyp otyrg'an Jetisy' jerinde bu'ginde en'bek o'nimdiligi jog'ary. Naqty ma'limetterge ju'ginsek, jyl basynan beri ai'maqtag'y o'nerka'sip o'ndirisinin' ko'rsetkis'i 103,7 pai'yzdy qurap, 185,6 mlrd ten'genin' o'nimi o'ndirilgen. Onyn' is'inde tay'-ken o'ndirisi 72,5 pai'yzg'a, jen'il o'nerka'sip 19,1 pai'yzg'a jog'arylag'an.

Kezdesy' barysynda ai'maq bass'ysynyn' jumysyna on' bag'asyn bergen Qasym-Jomart Kemeluly qazir Almaty oblysyndag'y joldardyn' 22 pai'yzy syn ko'termei'di. Apatty joldardy qalpyna keltiry' u's'in 2025 jylg'a dei'ingi  naqty jospar qury'dy tapsyramyn. Sondai'-aq, «A'ley'mettik ko'mekke za'ry' jandar men ja'rdemaqyg'a ku'n ko'retinderdi naqty anyqtay' kerek. Sonymen birge jergilikti a'kimdikter azamattarg'a jer telimderin bo'ly'de as'yqtyqty qamtamasyz etip, jer resy'rstarynyn' ti'imdi pai'dalanyly'yn qatan' qadag'alay' qajet dep atap ai'tty. Osy orai'da o'n'irdin' o'rkendey'ine o'z u'lesterin qosyp kelgen birqatar azamattar  arnai'y memleket bass'ysynyn' alg'ys hattarymen marapattaldy.

 

Ji'yn son'ynda ai'maqtag'y  ka'sipkerler palatasyna at basyn tiregen Prezi'dentke «Atameken» UKP basqarma to'rag'asy Abylai' Myrzahmetov oblystyq ka'sipkerler palatasy bazasynda qurylg'an «Bi'zneske arnalg'an U'kimet» jobasyn tanystyrdy. Jobanyn' basty maqsaty — «bir tereze» qag'i'daty boi'yns'a bi'znesti qolday' men damyty'dyn' barlyq s'aralaryn bir ortalyqtan ko'rsety'.  Ortalyqta  ka'sipkerlerge qajetti ken'ester berilip, jobalaryna su'i'emeldey' ko'rsetiledi. Bastysy onda — ba'ri ai'qyn, as'yq ja'ne qoljetimdi. Memlekettik organdar, qarjy ui'ymdarynyn' o'kilderi ko'ptegen qyzmet tu'rlerin usynady. Osy arqyly bi'znes o'kilderi memlekettik mekemelerdin' tabaldyryg'yn tozdyrmai', qajetti qyzmetterdi onlai'n u'lgide alatyn bolady», — dedi Abylai' Myrzahmetov.

 

Bo'lisy'
Share on FacebookTweet about this on TwitterEmail this to someoneShare on VK