Bu'gin Taldyqorg'an qalasynda Ay'g'an jerinen Ken'es a'skerinin' s'yg'arylg'anyna 30 jyl toly'yna orai' «MARAFON – 2019» jarysy jalay'yn jelbiretti. Salay'atty o'mir saltyn nasi'hattay' maqsatynda o'tken s'arag'a 1000-nan astam adam qatysty, — dep habarlai'dy taldykorgan-online.kz

Jarystyn' as'yly' ra'siminde Almaty olystyq Qazaqstan halqy Assamblei'asy to'rag'asynyn' orynbasary, hats'ylyq men'gery's'isi G'abi't Tursynbai' so'z alyp, qala turg'yndary men qonaqtaryn sport merkesimen quttyqtady.

– O'zderin'iz bilesizder osydan 30 jyl buryn Ken'es a'skerleri Ay'g'an jerinen s'yg'arylg'an bolatyn. Bi'yl bul atay'ly data jastar jylymen tuspa-tus kelip otyr. On jylg'a sozylg'an sog'ysqa Almaty oblysynan 22 myn'g'a jy'yq adam attang'an edi. Solardyn' myn'g'a jy'yg'y urys dalasynda qaza tapsa, 24 sarbasz habarsyz ketken. Ay'g'an jerine barg'an jerlesterimiz Ken'ester odag'y aldyndag'y i'nternasi'onali'sttik borys'taryn adal o'tep, eren erliktin' o's'pes u'lgisin ko'rsetti. Ardagerlerimiz qazirgi tan'da da a'r sala boi'yns'a qyzmet atqaryp, elimizdin' damy'yna o'z u'lesterin qosyp, jastarymyzg'a u'lgi o'nege ko'rsetip keledi. A'rqas'anda elimiz aman, jurtymyz tynys', jastarymyz jigerli bolsyn, — degen oblystyq Qazaqstan halqy Assamblei'asy to'rag'asynyn' orynbasary jarys qatysy's'ylaryna sa'ttilik tiledi.

Sondai'-aq, oblystyq Ay'g'an sog'ysy ardagerleri ui'ymynyn' to'rag'asy Qai'rat Temirg'ali'uly, Jastar sai'asaty ma'seleleri basqarmasynyn' bass'ysy Jomar Qaratas, oblystyq sport basqarmasynyn' bass'ysy Nurbaqyt Ten'izbaev ja'ne ardagerler arasynda jen'il atleti'kadan A'lem c'empi'ony Bi'ebai' Tlemi'sovtar da o'zderinin' jyly lebizderin bildirdi.

Sonymen ko'ps'ilik ku'tken jarys ta bastaldy. Marafons'ylar ortalyq alan'nan bastap, Jastarg'a qyzmet ko'rsety' ortalyg'yna dei'in ju'girdi. Jalpy, qatysy's'ylar to'r jas ereks'eligi boi'yns'a kim ju'i'rikti anyqtady. Sai'ys qorytyndysy boi'yns'a 14-17 jas aralyg'ynda Ernar Jumamuratuly, 18-25 jas aralyg'ynda Dani'ar Ormang'ali', 26-35 jas aralyg'ynda Aleksandr Skoev ja'ne 40-tan jog'ary jastag'y qatysy's'ylar arasynan Bi'ebai' Tlemi'sov ma're syzyg'yn birins'i kesip, jarys jen'impazy atandy.

Ardagerler arasynda jen'il atleti'kadan A'lem c'empi'ony Bi'ebai' Tlemi'sov:

— Bu'gingi marafon o'te jog'ary den'gei'de ui'ymdastyrylg'an. Jarystyn' basy-qasynda ju'rgen azamattarg'a ko'p rahmet! Negizi, mundai' s'aralardy ko'birek ui'ymdastyryp turg'an durys. Ma'selen, menin' jasym 70-ke taqap qalsa da, a'li ku'nge dei'in sporttan alystag'an emespin, ju'girip ju'rgenime 50 jyldai' boldy. Munyn' barlyg'y jastarymyzg'a u'lgi g'oi'.

Ai'ta ketei'ik, jarysty Almaty oblysy jastar sai'asaty ma'seleleri basqarmasy Taldyqorg'an qalasynyn' a'kimdigimen, oblystyq dene s'ynyqtyry' ja'ne sport basqarmasymen, oblystyq Memlekettik qyzmet isteri ja'ne sybai'las jemqorlyqqa qarsy is-qi'myl agenttiginin' Departamentimen, oblystyq Qazaqstan halqy Assamblei'asymen ja'ne Ay'g'an sog'ysy ardagerlerinin' ui'ymymen birlesip ui'ymdastyrg'an.

Bo'lisy'
Share on FacebookTweet about this on TwitterEmail this to someoneShare on VK