Qazaqstan Respy'bli'kasynyn' prezi'denti Qasym-Jomart Toqaevtyn' parlament palatalarynyn' birlesken otyrysyndag'y so'zinin' tolyq ma'tini jari'alandy, — dep habarlai'dy Aqordag'a silteme jasag'an taldykorgan-online.kz

Asa qadirli Elbasy!

Qurmetti parlament depy'tattary, u'kimet mu's'eleri!

Qymbatty otandastar!

Kes'e, 19 nay'ryzda, bu'kil a'lem jurts'ylyg'y asa man'yzdy tari'hi' oqi'g'ag'a ky'a' boldy.

Qazaq memlekettiliginin' negizin qalag'an Uly tulg'a, Qazaqstan Respy'bli'kasynyn' Tun'g'ys' prezi'denti Nursultan A'bis'uly Nazarbaev o'z erkimen memleket bass'ysy o'kilettigin toqtatty.

Elbasynyn' bul man'yzdy s'es'imi onyn' jahandyq den'gei'de ja'ne tari'hi' ay'qymda tanylg'an sai'asi' qai'ratker retindegi ulylyg'yn ko'rsetti.

Biz barlyq jetistikterimizge, en' aldymen, Qazaqstan Respy'bli'kasynyn' qasterli ta'y'elsizdigine Tun'g'ys' trezi'dentimiz Nursultan A'bis'uly Nazarbaevtyn' qajyrly en'beginin' arqasynda qol jetkizdik.

Elbasy Ken'es Odag'y ku'i'regen tustag'y asa ku'rdeli geosai'asi' jag'dai'da jan'a memlekettin' negizin qalap, onyn' ko's'in bastady.

Ko'ptegen teris boljamdarg'a qaramastan, Nursultan A'bis'uly elimizdi bars'a a'lemge moi'yndata bildi.

Du'ni'e ju'zi kartasynda damy' men demokrati'anyn', bei'bits'ilik pen kelisimnin' s'ynai'y si'mvolyna ai'nalg'an memleket pai'da boldy.

Elbasymyz Qazaqstan tari'hynda tun'g'ys' ret jan'a memlekettik i'nsti'ty'ttardy qalyptastyrdy.

Olardyn' qatarynda Prezi'denttik i'nsti'ty't, qos palataly Parlament, memlekettik qyzmet, qary'ly ku's'ter, di'plomati'alyq qyzmet, sondai'-aq azamattyq qog'am i'nsti'ty'ttary bar.

1995 jyly Ata zan'ymyz qabyldandy.

Konsti'ty'si'ag'a engizilgen mazmundy o'zgerty'ler bas qujatymyzg'a, s'yn ma'ninde, demokrati'alyq si'pat berdi. Elbasynyn' bass'ylyg'ymen Qazaqstanda ekonomi'kany jan'g'yrty'g'a bag'yttalg'an reformalar josparly tu'rde ju'zege asyryldy. Sonymen qatar, memlekettin' sai'asi' ju'i'esinde eley'li o'zgerister boldy.

Qurylymdyq reformalar memleket damy'ynyn' basty qozg'ay's'y ku's'ine ai'naldy.

Elbasynyn' janynda uzaq jyldar boi'y qyzmet etken adam retinde nyq senimmen ai'tarym: Prezi'dent o'zinin' en'bek jolyn bi'ik maqsatqa – halqymyzdyn' a'l-ay'qatyn arttyry'g'a arnag'an birden-bir tulg'a bolyp sanalady.

Nursultan A'bis'uly Nazarbaev ta'y'elsizdiktin' alg'as'qy jyldarynan bastap halyqtyn' a'ley'mettik jag'dai'yn jaqsarty' u's'in naryqtyq ekonomi'kasy bar qy'atty memleket qury' isine bilek sybana kiristi. Qi'yndyqqa toly osy jolda ol ten'dessiz tabystarg'a qol jetkizdi.

Elbasynyn' a'r jolday'ynda, a'sirese, 2018 jyldyn' nay'ryz ja'ne qazan ai'laryndag'y jolday'larynda, sondai'-aq Nur Otan parti'asynyn' HVIII sezinde so'i'legen so'zinde el mu'ddesin ko'zdegen s'ynai'y janas'yrlyq ko'rinis tapty.

El azamattaryna a'ley'mettik qolday' ko'rsety'ge arnalg'an bul qujattar basqa elderde balamasy joq biregei' s'aralardy qamti'dy.

Qazaqstan halqynyn' ortaq tari'hi' tag'dyry, sondai'-aq, ta'y'elsizdiktin' arqasynda qol jetkizgen tabystarymyz «Ma'n'gilik el» tujyrymdamasynda bai'andaldy.

Bul qujatta bars'ag'a ortaq maqsat, ortaq mu'dde, halqymyzdyn' kemel keles'egi u'i'lesim tapqan. Elbasynyn' usynysymen ult birligin nyg'ai'ty' jolynda qy'atty ku's'ke ai'nalg'an «Ma'n'gilik el» patri'ottyq aktisi qabyldandy.

Ta'y'elsizdik jyldarynda ulttyq ustanymg'a adal, s'ynai'y su'i'ispens'ilik ry'hynda ta'rbi'elengen jas azamattardyn' tutas bir by'yny qalyptasty.

Bug'an Elbasy ju'zege asyrg'an jastar sai'asatynyn', mazmuny biregei' «Ry'hani' jan'g'yry'» ja'ne «Uly dalanyn' jeti qyry» atty maqalalarynyn' yqpaly boldy.

Elbasynyn' qajyrly en'beginin' arqasynda halqymyz to'l tari'hynda tun'g'ys' ret o'zin ty'g'an jerdin' zan'dy i'esi sezindi, bars'amyzdyn' ju'regimizdi Otan u's'in maqtanys' sezimi kernedi.

«Qazaqstan-2050» Strategi'asy, «Nurly jol» Jan'a ekonomi'kalyq sai'asaty, «100 naqty qadam» Ult jospary elimizdi jan'g'yrty'g'a, Qazaqstannyn' ekonomi'kalyq a'ley'etin odan a'ri nyg'ai'ty'g'a bag'yttalg'an.

Bul halyqaralyq arenadag'y turaqsyzdyq pen dag'darystar jag'dai'ynda asa man'yzdy bolyp otyr.

Qazirgi Qazaqstan – naryqtyq ekonomi'kasy qalyptasqan, demokrati'alyq a'ri zai'yrly memleket. Elimizde jekemens'ik i'nsti'ty'ty ornyg'yp, orta taptyn' jag'dai'y jaqsardy ja'ne ka'sipkerlik qarqyndy dami' tu'sti.

Barlyq o'zekti a'ley'mettik-ekonomi'kalyq ma'seleler y'aqytyly s'es'imin tay'yp keledi.

Qazaqstan Respy'bli'kasynyn' Tun'g'ys' prezi'dentinin' arqasynda «Bolas'aq» bag'darlamasy ju'zege asyryly'da.

A'ley'eti ai'ryqs'a «Nazarbaev y'ni'versi'teti» qurylyp, barlyq oblys ortalyqtarynda zi'atkerlik mektepter as'yldy. Elimizdin' a'r o'n'irinde qazirgi kezen'nin' talaptaryna sai' zamanay'i' mektepter salyndy. Myn'dag'an azamattarymyz s'etelde ja'ne el is'inde sapaly jog'ary bilim aly' mu'mkindigine i'e boldy.

Nursultan A'bis'uly Nazarbaevtyn' bastamasymen iske asyrylg'an «Ma'deni' mura» bag'darlamasy to'l ma'deni'etimizdin' damy'yna tyn' serpin berdi.

Qoja Ahmet I'assay'i' kesenesi, «Tamg'aly» eskertkis'teri ja'ne basqa da tari'hi' nysandardyn' I'y'NESKO-nyn' du'ni'eju'zilik muralarynyn' tizimine eny'i halqymyz u's'in ai'ryqs'a man'yzy bar oqi'g'a boldy.

Jan'a Elordamyzdyn' boi' ko'tery'ine Tun'g'ys' prezi'dentimizdin' sin'irgen en'begi ereks'e.

Astananyn' qurylysy Elbasynyn' tari'hi' erligi sanalady. Bas qalamyz ta'y'elsiz elimizdin' s'ynai'y bet-bei'nesine, halqymyzdyn' maqtanys'yna ai'naldy. Elorda jan'a memlekettin' i'deologi'asy retinde ki'eli ug'ymg'a i'e boldy.

Astanamyz, s'yn ma'ninde, o'tkennin' qundylyqtaryn da'riptei' otyryp, ku'lli a'lemge Qazaqstannyn' jan'a bei'nesin pas' etti.

Elordamyz sammi'tter ja'ne basqa da man'yzdy halyqaralyq kezdesy'ler o'tetin iri ortalyq retinde qalyptasty.

2017 jyly Astanada «Bolas'aq energi'asy» taqyrybyna arnalg'an «EKSPO» ko'rmesi o'tti.

Biz, qazirgi ja'ne keles'ek urpaq o'kilderi, Elbasynyn' sai'asi' murasyn jadymyzdan s'yg'armai', qadir tutyp, Nursultan A'bis'uly Nazarbaevtyn' tari'hi' en'begine lai'yqty qurmet ko'rsety'imiz qajet.

Elbasynyn' halqymyzg'a ja'ne a'lem qay'ymdastyg'yna sin'irgen eren en'begi men uly esimin ma'n'gi este saqtay'ymyz kerek.

Bul halqymyzdy, a'sirese, jastardy tari'hqa qurmetpen qaray'g'a ta'rbi'elep, Elbasynyn' dan'qty qyzmetin a'dil bag'alay' u's'in man'yzdy.

Bu'gin, osy jog'ary minberden o'zimnin' sai'asi' ustazym Nursultan A'bis'uly Nazarbaevqa a'lemdik damy'dyn' ku'rdeli kezen'inde El Prezi'denti retinde memleketti basqary'yma zor senim artqany u's'in s'yn ju'rekten Alg'ys ai'tamyn.

Bars'amyzg'a ortaq maqsat – Elbasynyn' basty sai'asi' ja'ne tari'hi' murasy – memleketimizdin' Ta'y'elsizdigin saqtay' ja'ne nyg'ai'ty'.

Aldymyzda el bolas'ag'y u's'in atqarylatyn ay'qymdy a'ri ku'rdeli jumystar tur.

Barlyq ku's'-jigerimdi, bilimimdi Qazaqstan i'giligine jumsay'dy, halqymyzg'a adal qyzmet ety'di basty mindet sanai'myn.

Asa qadirli Elbasy!

Qurmetti qay'ym!

Menin' Qazaqstan Respy'bli'kasynyn' Prezi'denti lay'azymyndag'y birins'i s'es'imim – «Qazaqstan Respy'bli'kasynyn' Tun'g'ys' Prezi'denti – Elbasy ty'raly» Konsti'ty'si'alyq Zan'g'a ja'ne «Memlekettik nagradalar ty'raly» Zan'g'a sa'i'kes ta'y'elsiz Qazaqstandy ornaty'g'a qosqan tari'hi' u'lesi, ekonomi'kalyq ja'ne a'ley'mettik-gy'mani'tarlyq damy'g'a, Qazaqstan qog'amyn toptastyry'g'a sin'irgen asa zor en'begi u's'in Qazaqstan Respy'bli'kasynyn' Tun'g'ys' Prezi'denti – Elbasy Nursultan A'bis'uly Nazarbaevqa Ai'ryqs'a ereks'elik belgisi – «Altyn juldyz» ordenin tapsyra otyryp, «Halyq qaharmany» atag'yn beremin.

Bo'lisy'
Share on FacebookTweet about this on TwitterEmail this to someoneShare on VK