Yrys pen yntymaqtyn', bereke men birliktin' bastay'y sanalatyn Nay'ryz toi'y ultymyz u's'in ulyq mereke. Bi'ylg'y jer jannaty Jetisy'dag'y  ulystyn' uly ku'nin ulyqtay' da'stu'ri Taldyqorg'andag'y  ki'eli o'ner ordasy B.Ri'mova atyndag'y drama teatrynan bastaldy. I'gi s'ara nay'ryz ai'ynyn' ten' ortasyndag'y halqymyzdyn' ai'dan aman, jyldan esen s'yqqanyn eske alatyn «Amal» i'ag'ni' «Ko'risy'» ku'nine orai' ui'ymdastyrylg'an.

Toi's'yl qay'ymdy Almaty oblysy a'kiminin' orynbasary Aqan A'bdy'a'li'ev quttyqty, ai'maq bass'ysy Amandyq Batalovtyn' izgi tilegin jetkizdi. Tanymal akter Sag'yndyq Jumadilovtyn' ai'ty'yns'a, Nay'ryz merekesinin' aldynda ai'ryqs'a atalyp o'tiletin bul salt halqymyzda ejelden bar. Ol, Ai' men U'rkerdin' tog'ysar mezgilene ty'ra keletindikten kei' jerlerde «Tog'ys» dep atalady. Al, elimizdin' batys oblystaryndag'y jurt ony «Ko'risy'» i'ag'ni' «Amal» da'stu'ri dep atap, jyl sai'yn 14-15-s'i nay'ryzda ereks'e toi'lap keledi. Amal ku'ni – jaqsylyqqa toly ku'n. Bul Taldyqorg'anda alg'as' ret toi'lanyp otyr. Mundag'y maqsat – Elbasynyn' «Ry'hani' jan'g'yry'» badarlamasy ai'asynda barymyzdy bag'amdap, jog'ymyzdy tu'gendep jatqan bu'gingi ku'nde umyt bola bastag'an osyndai' qazaqi' salt-da'stu'rimizdi qai'ta jan'g'yrty'. Osy arqyly jastardy tari'htan tag'ylym alyp, tilin, dinin, a'dep-g'urpyn, salt-da'stu'rin saqtay'g'a ta'rbi'eley'.

A'jelerdin' aq s'as'y'ymen bastalg'an s'ara barysynda teatr ujymy  o'z o'nerlerin ortag'a salsa, qari'alar aq batasyn arnap, elimizge amandyq, jerimizge tynys'tyq, qut-bereke tiledi.

Ji'ylg'an jurts'ylyqty oblys a'kimi atynan orynbasary Aqan A'bdy'a'li'ev quttyqtap, ystyq yqylasyn jetkizdi.

Saltanatty s'aradan kei'in halai'yq nay'ryz ko'jeden ay'yz ti'ip, aq dastarhannan da'm tatty.

Bo'lisy'
Share on FacebookTweet about this on TwitterEmail this to someoneShare on VK