Танымал әнші Америкада өтіп жатқан аталмыш жобада балалармен сайысқа түсуден бас тартып, оларға жолынын беретіндігін айтты, — деп хабарлайды taldykorgan-online.kz

Димаш ақтық кезеңде Лара Фабианның репертуарындағы Adagio әнін орындағаннан кейін әрі қарай сайысқа түскісі келмейтінін мәлімдеген.

«Бүгін ерекше қызықты сәт туып тұр. Неге десеңіз, мынадай үлкен жобада біздің мақтанышымыз, еліміздің қазіргі таңда айнасына айналып келе жатқан кішкентай қарындасымыз қатысып жатыр. Индиядан қатысып жатқан бүлдіршініміз бен Данэлия айрықша көзге түсіп жатыр. Сол себептен бүлдіршіндеріміз жеңіске жетіп жатса, біз шын жүректен қуанышты боламыз», — деді Димаш.

Әнін орындап болғаннан кейін Димаш әділ-қазыларға қарап:

«Сіздердің рұқсаттарыңызбен бұл сайыстың тізгінін кішкентай бүлдіршіндерімізге қалдырғым келіп отыр», — деді.

Жобаның қазылар алқасы бұл мәлімдемеге қатты таңғалған. Қазақстандық таланттың шешіміне қатысты олар екі түрлі ой түйді. Вера Хилл оның қалуын өтініп сұраса, Рю Пол оған наразылығын көрсеткен.

Бөлісу
Share on FacebookTweet about this on TwitterEmail this to someoneShare on VK