Elbasynyn' a'ley'mettik bastamasyn bi'znes qoldai'dy

294
Derekko'z

Memleket bass'ysy «Nur Otan» sezinde atqary's'y bi'likke, parti'ag'a ja'ne «Atamekenge» naqty tapsyrmalar berdi. Ulttyq ka'sipkerler palatasy da atalmys' bastamany iske asyry'g'a dai'yn.

Elbasy densay'lyq saqtay', bilim bery' ja'ne a'ley'mettik qorg'ay' salalaryna qosyms'a qarajat bo'ly'di tapsyrg'an bolatyn. Osy orai'da s'ag'yn ja'ne orta bi'znesti damyty', jappai' ka'sipkerlikke bet bury' arqyly azamattardyn' turaqty tabystaryn arty' men jumyspen qamtyly'yna toqtala ketei'in.

Ka'sipkerlikke bay'ly' mektep jasynan bastalyp, jog'ary oqy' oryndarynda jalg'asyn taby'y kerek dep eseptei'min.

«Atamekennin'» bastamasymen bi'ylg'y jyldyn' 1 qyrku'i'eginen orta mektepterdin' 10-11 synyptarynda «Ka'sipkerlik negizderi» pa'ni oqytylatyn bolady. Sondai'-aq, ka'sibi' belgili bir bag'ytqa bay'ly' jumystaryn 7 synyptan bastay'dy usynyp otyrmyz. Bul erte jastan oqy's'ynyn' bi'znes jai'ly oi'-o'risin ken'ei'ty'ge, ata-anasymen birlese otyryp, mamandyqty durys tan'day'yna ko'mektesetin bolady.

El boi'yns'a memlekettik ja'ne jeke kolledjderdin' jalpy sany 800 astam. Olardyn' jyldyq bi'y'djeti 100 mlrd ten'geni qurai'dy. Osy oqy' oryndarynda jarty mi'lli'ong'a jy'yq sty'dentter bilim aly'da.

Kolledjderdin' jumysy oqy'dy bitirgen sty'dentterdi jumysqa turg'yzy' den'gei'imen o'ls'eny'i kerek. Ol u's'in jumys bery's'iler kolledjderdin' rei'ti'ngisin anyqtap, memlekettik tapsyrysty sol rei'ti'ngtin' na'ti'jesine qarai' bo'ly'di usynyp otyrmyz. «Atameken» mundai' rei'ti'ngti jog'ary oqy' oryndary arasynda byltyrg'y jyldan beri ju'rgizy'de.

Usynyp otyrg'an rei'ti'ngten bo'lek dy'aldi oqy' ju'i'esin jumys bery's'iler ken'inen qoldany'y ti'is, al ol u's'in ekonomi'kalyq turg'yda yntalandyry' qarastyryly'y kerek. Bul rette o'ndiriste oqyty' jumystaryn ju'rgizip otyrg'an jumys bery's'ilerdin' s'yg'yndary memelekettik tapsyrys esebinen o'telgeni oryndy bolady. «Atamekennin'» usynysymen mundai' a'dis qysqa merzimdi (6 ai') ky'rstar arqyly jumys mamandyqtaryn i'gery'ge atsalysyp otyrg'an ka'siporyndarg'a qoldanyly'da. Qazirgi y'aqytta 200-ge jy'yq ka'siporyn bizdin' tizimge engizildi.

Jog'ary oqy' oryndary arasynda 2018 jyly ju'rgizilgen rei'ti'ngtin' na'ti'jesin qarai'tyn bolsaq, 130 jog'ary oqy' ornynyn' tek ten' jartysynda jumysqa ornalasy' ko'rsetkis'i 60% qurai'dy. Atalmys' rei'ti'ng abi'ty'ri'entter men ata-analardyn' oqy' ornyn tan'day'dag'y basty bag'daryna ai'naly'y ti'is, sondai'-aq memlekettik tapsyrystyn' bo'liny'i barysynda bul en' basty ko'rsetkis' boly'y kerek.

Elbasy «Atameken» men Bilim ja'ne g'ylym mi'ni'strligine u's' jyl is'inde kolledjder men JOO jog'ary ky'rstag'y 180 myn' sty'dentke ka'sipkerlik negizin oqyty'dy tapsyrdy. Bu'ginde «Bastay' bi'znes», sondai'-aq basqa da oqy' jobalarymyzdyn' basyn biriktirgen Atameken Academy onlai'n-platformasyn iske qostyq. Osylai's'a jog'ary ky'rs sty'dentteri oqy' oryndarynda bi'znes-trenerlerimizden da'ris alyp, onlai'n-platforma arqyly qosyms'a

bilim aly'yna mu'mkindikter jasalg'an. Oqy' ai'aqtalg'an son' sty'dentter jeke ka'sibin bastay'g'a granttar nemese s'ag'yn nesi'e ra'simdei' alady.

Bilim bery' ju'i'esindegi qadamdarymyzg'a qysqas'a toqtalyp o'ttim. Al endi, ay'yldyq jerlerdegi jumyssyz ju'rgen ja'ne o'zin-o'zi jumyspen qamtyp ju'rgen azamattarg'a bag'yttalg'an «Bi'znes bastay'» jobasy jai'ynda ken'irek toqtalyp o'tei'in.

Bul mindetti iske asyry' u's'in 2016 jyly «Atameken» demey's'iler ko'megi arqyly «Bastay' bi'znes» jobasyn elimizdin' birnes'e o'n'irinde qanatqaqty joba retinde o'tkizgen bolatyn. Joba qoi'g'an mindetti aqtap, ti'imdiligin ko'rsetti. Qanatqaqty jobag'a qatysqandardyn' pikirleri og'an da'lel.

Osylai's'a, «Bastay' bi'znes» jobasy 2017 jyldan beri «Na'ti'jeli jumyspen qamty' ja'ne jappai' ka'sipkerlikti damyty'» bag'darlamasyna engen bolatyn.

2018 jyly elimizdin' barlyq ay'dan ortalyqtarynda 28 myn' adam «Bastay' bi'znes» jobasyna qatysyp, ka'sipkerlik negizderinen bilimin s'yn'dady. Onyn' is'inde 19,5 myn' qatysy's'y bi'znes-josparlaryn sa'tti qorg'ap s'yqty. Eger pai'yzdyq ko'rsetkis'ke s'aqsaq, bul jobag'a qatysqandardyn' 60%-y, i'ag'ni' 8 myn' adam, s'ag'yn nesi'ege qol jetkizdi. Salyq ma'limetteri ko'rsetip otyrg'andai', jobag'a qatysyp, ka'sibin as'qandardardyn' 95%-y bu'ginde salyq to'ley's'iler qatarynda. Bul o'te jaqsy ko'rsetkis'.

Elbasymyzdyn' tapsyrmasyna orai', bi'ylg'y josparlang'an 15 myn' ay'yl turg'ynyn oqyty'men qatar, jumyssyz ju'rgen 40 myn' ay'yl jastary «Bastay' bi'znes» jobasyna qatysatyn bolady. Jalpy suranystyn' artyp otyrg'anyn eskere kele, jobag'a bo'linetin qarajyny 20%-dan 30%-g'a ko'tery'di usynamyz. Bi'y'djetten bo'linetin qarjynyn' ko'lemi 63 mlrd ten'ge boly'g'a ti'isti.

Elbasy ai'tqandai', ko'pbalaly otbasylarg'a u'i'de otyryp tabys taby' mu'mkindikteri jasalady, qosyms'a granttar men s'ag'yn nesi'eler kvotasy bo'linetin bolady. «Atameken» o'z tarapynan ko'pbalaly otbasy mu's'elerin ka'sipkerlikke oqytyp, qarapai'ym bi'znes-josparlardy usyny'g'a dai'yn. U'i'de otyryp qolo'ner, kondi'terlik o'nimder dai'ynday', ki'im tigy' sekildi ka'sipti ju'rgizy'ge mu'mkindikter jasalady. S'yg'arg'an o'nimderin saty' ja'ne turaqty tabys jolyn qalyptastyry'g'a O'n'irlik ka'sipkerler palatalary baryns'a ko'mektesedi.

Osy jumysty ju'i'eli bag'ytqa qoi'y' u's'in «Na'ti'jeli jumyspen qamty' ja'ne jappai' ka'sipkerlikti damyty'» bag'darlamasynda ko'pbalaly otbasylardy qolday'g'a bag'yttalg'an, qajetti qarjy qarastyrylg'an arnai'y bo'lim boly'y kerek.

Jergilikti turg'yndardy turaqty tabyspen qamtamasyz ety' u's'in arnai'y o'n'irlik damy' bag'darlamalar qajet.

Elbasy osy maqsatta aqpan ai'ynda o'tken U'kimettin' ken'ei'tilgen otyrysynda U'kimetke, a'kimdikter men «Atamekenge» naqty tapsyrmalar berdi.

O'n'irlik bag'darlamalar a'r ai'maqta bi'znestin' jan'a a'ley'etti bag'yttaryn anyqtap, sol salada jan'a jumys oryndaryn as'y'g'a tu'rtki bolady.

«Atameken» o'tken jyly Atyray' oblysynyn' a'ley'etti mu'mkindikterin anyqtai'tyn zerttey' jumystaryn ju'rgizgen bolatyn. Na'ti'jesinde Atyray' oblysynda ku'ndelikti turmysqa qajetti, jalpy sommasy 100 mlrd ten'geden asatyn qarapai'ym tay'arlardyn' syrttan a'keletini anyqtaldy. Al, eger osy tay'arlardy sol o'n'irdin' o'zinde s'yg'arar bolsaq, s'amamen 700 orta ja'ne s'ag'yn bi'znes as'ylyp, 8 myn'g'a jy'yq adamg'a jumys orny as'ylar edi. Da'l osyndai' jag'dai' basqa da o'n'irlerge de qatysty ekenine senimdimin.

Qajetti qarjy bo'liner bolsa, bul jumysty barlyq o'n'irlerde osy jyldyn' ai'ag'yna dei'in s'es'y'ge bolady.

Halyqtyn' turaqty tabysynyn' o'sy'i bag'a o'simine tikelei' bai'lanysty ekeni belgili. Bu'gingi ku'ni i'nfli'asi'a 510 bag'dar boi'yns'a eseptely'de. Degenmen, halyqtyn' basym bo'ligi u's'in en' man'yzdysy — azyq-tu'lik pen ki'im-kes'ek, ai'aq-ki'im bag'asy. Bul qajettilikter orta den'gei'li otbasyndag'y jalpy s'yg'yn u'lesinin' 60 %-dan astamyna ti'esili. Biz a'li de biraz tay'arlar boi'yns'a i'mportqa ta'y'eldimiz. Al ten'genin' qunsyzdany'y i'nfli'asi'ag'a alyp keledi. Mysaly, son'g'y 5 jylda i'mport ko'rsetkis'i ki'im-kes'ekte — 85%, azyq-tu'likte — 36%, sy'syndar boi'yns'a — 20%, ji'haz boi'yns'a — 65% qurady.

Memleket bass'ysynyn' i'mportty almastyry' ja'ne «qarapai'ym zattar ekonomi'kasyn» damyty'g'a qatysty tapsyrmasy da bar.

Sonymen qatar, «Nurly Jol» ja'ne «Nurly Jer» bag'darlamalary arqyly turg'yn u'i' ja'ne jol saly' qurylysynda da i'mportty almastyratyn u'lken a'ley'et bar. Elbasynyn' tapsyrmasyna orai' turmys den'gei'i to'men otbasylarg'a qosyms'a 40 myn'nan astam pa'ter salynatyn bolady, sondai'-aq eldimekenderdegi jol jelisin ken'ei'ty' de tapsyryldy.

2019 jyldyn' s'ildesine dei'in a'r memlekettik organ men a'kimdikke aldag'y u's' jylg'a arnalg'an turg'yn u'i' ja'ne jol saly' salasynda jergilikti qamty' u'lesin arttyry'g'a qatysty naqty i'ndi'katorlar qoi'yly'y qajet.

Tay'ar bag'asynyn' turaqtylyg'yn qamtamasyz ety' u's'in vali'y'ta ai'yrbastay' bag'amynyn' tu'sinikti boljamy qajet. O'tken jyly munai' bag'asynyn' turaqtylyg'yna qaramastan ten'ge 20 %-g'a to'mendegen bolatyn.

Osynyn' saldarynan ka'sipkerlik sektoryn nesi'eley' qarqyny da ba'sen'dedi. 2018 jylg'y ko'rsetkis'terge su'i'ensek, zan'dy tulg'alarg'a nesi'e bery' 4,6%-g'a qysqarg'an, al s'ag'yn bi'zneske beriletin nesi'e 15%-g'a azai'g'an. Na'ti'jesinde jyl basyndag'y nesi'eley' ko'rsetkis'i is'ki jalpy o'nimmen salystyrg'anda nebary 22%-dy qurag'an, al, 2015 jylg'y nesi'eley' ko'rsetkis'i is'ki jalpy o'nimmen salystyrg'anda 30%-dan astam bolg'an.

Ulttyq banktin' jan'a bass'ylyg'y aldynda ekonomi'ka salasyn nesi'eley'ge qatysty ku'rdeli ma'selenin' s'es'imin taby' mindeti tur. Ma'selenin' s'es'imin taby' u's'in U'kimet, Ulttyq bank ja'ne «Atameken» o'zara jumys bag'ytyn anyqtai'tyn di'alog qury'y ti'is. Bul di'alogty U'kimet janyndag'y ekonomi'kalyq sai'asat jo'nindegi ken'esi alan'ynda o'tkizy'ge bolady.

Al bankter bi'zneske ko'zqarasyn tu'begei'li o'zgertip, senimsizdikten arylyp, s'ag'yn ja'ne orta bi'zneske jan'a usynystar a'zirlegeni durys. Eldegi 1,2 mln astam ka'sipkerdin' 80%-y bank nesi'esin pai'dalanbai'dy. «Atameken» banktermen, damy' i'nsti'ty'ttarymen birlesip jan'a nesi'e tutyny's'ylar tobyn qalyptastyry'g'a dai'yn. Osylai's'a, jeke isin jan'a bastag'an ja'ne bi'znesin ju'rgizip otyrg'an ka'sipkerlerdin' irileny'i men bi'znes den'gei'inin' o'sy'ine qolai'ly jag'dai' qalyptasady.

Banktegi jalpy nesi'eley'din' to'mendey'ine qaramastan tutyny's'ylyq nesi'e bery' sektory arty'da. 2018 jyly jeke tulg'alardy bank arqyly qarjylandyry' ko'rsetkis'i 17%-g'a o'sken. Sondai'-aq naryqta jeke tulg'alarg'a nesi'e beretin tu'rli onlai'n-kompani'alar men lombardtar sany ko'bei'gen. Alai'da bul segment mi'kronesi'elik ui'ym retinde tirkelmegen a'ri s'ekti jyldyq 56% mo'ls'erlemesimen s'ektelmegen. Munyn' saldarynan tutyny's'ylyq nesi'e aly's'ylar sany ku'rt artyp, qaryzg'a bels'esinen batqandar sany ko'bei'gen.

Mundai' jag'dai'dyn' aldyn aly' u's'in, zan'namag'a «Atameken» nesi'e aly's'ylar quqyg'yn qorg'ay'g'a bag'yttalg'an usynystardy a'zirlemek.

Ulttyq qordan a'ley'mettik bag'ytqa bo'linetin qarjydan bo'lek, qosyms'a qarjy ko'zi ko'len'keli ekonomi'ka, sybai'las jemqorlyqqa qarsy ju'rgiziletin jumys na'ti'jesinde arttyrylatyn bolady. Ai'tar bolsaq, ko'len'keli sektor u'lesi is'ki jalpy o'nimnin' 26% quray'da.

Memleket bass'ysy kedendik a'kims'ilik ety'den tu'setin qor jai'ly ai'tqan bolatyn. Qytai'men eki ortadag'y kedendik stati'sti'ka ko'rsetkis'terindegi ai'yrmas'ylyq 7 mlrd AQS' dollaryn qurap otyr. Bul degenimiz, memleket bi'y'djeti bir jylda 300 mlrd ten'geden astam kiristen qur qaly'da degen so'z. Onymen qosa, jasyryn i'mport tutyny's'ylarg'a qajetti basty tay'arlardyn' elimizde s'yg'aryly'yna kedergi boly'da, ol ko'len'keli say'danyn' basty saldary. Munyn' s'es'imin kedendik barlyq prosedy'ralardy si'frlandyry' arqyly ju'rgizy' kerek, sondai'-aq jasyryn tay'ar tasy' joldaryn jaby'g'a qatysty qatan' s'aralardy qoldany' arqyly bi'ylg'y jyldyn' o'zinde on' ko'rsetkis'terge qol jetkize alamyz. Basymdyqty Qytai'dan keletin i'mportqa qatysty kedendik a'kims'ilik qyzmetin jaqsarty'g'a salg'an jo'n.

Degenmen, baqylay'dy ku's'ei'tkennin' jo'ni osy eken dep, adal ka'sippen ai'nalysyp ju'rgen bi'zneske baqylay'dy tym asyra qoldany'dyn' qajeti joq.

Memlekettik satyp aly' ju'i'esinin' ti'imdiligin de arttyry' qajet. Byltyrg'y jyly memlekettik satyp aly'dyn' jalpy ko'lemi 4,4 trln ten'geni qurag'an. Onyn' 75% konky'rstan tys, bir ko'zden satyp aly' arqyly o'tken. Bizdin' Moni'tori'ng ortalyg'ynyn' ma'limeti boi'yns'a, kei'bir tay'ar pozi'si'alary boi'yns'a bir qyzmet usyny's'yny tan'day' a'disi arqyly ju'rgiziletin satyp aly'lar men konky'rs boi'yns'a o'tkizilgen satyp aly' arasyndag'y bag'a ai'yrmas'ylyg'y 30%-g'a dei'in jetken. Memlekettik satyp aly'lar sommasyn 10% on'tai'landyry'dy usynamyz, bul 300 mlrd ten'gege dei'ingi qarjyny u'nemder edi. Kvazi'memlekettik sektorlardyn' satyp aly'yna da osy jumysty ju'rgizy'ge bolady. Osy jumystyn' ai'asynda satyp aly'lar salasyn si'frlandyry' arqyly baryns'a as'yqtyqty qamtamasyz etip, qog'amdyq baqylay'dy ku's'ei'ty' man'yzdy is ekenin atap o'tkim keledi.

Jerge qatysty salada basty ma'sele jer telimi jai'ly aqparattyn' joqtyg'ynda. Bu'gingi ku'ni bul sala o'te bulyn'g'yr ja'ne jemqorlyq a'reketterge toly.

Mysaly, byltyr eldimekenderde 17 myn' jer telimi jeke mens'ikke berilgen. Onyn' tek bir myn'y ay'ksi'on a'disi arqyly o'tkizilgen. O'n'irlerde ju'rgizilgen say'alnama na'ti'jesine ko'z salsaq, a'rbir u's'ins'i ka'sipker jemqorlyqpen kezigetinin atag'an.

A'kimdikter jer telimi jai'ly aqparatty i'nternet resy'rstaryna jari'alap otyry'g'a mindetti. Biraq, bul talaptardy saqtai'tyndar az.

“Atameken” a'kimdiktermen birlese otyryp 2019 jyldyn' son'yna dei'in jer telimderi jai'ly aqparattardy si'frlandyry'dy usynady.

Bi'zneske ay'yl s'ary'as'ylyg'yna ti'isti jer telimderinin' tu'sinikti a'ri as'yq jospary qajet. Qai' jer s'abyndyq, qai' jer jai'ylym, qai' jer alqap degendei'. A'r ay'dannyn' bos jatqan jer telimderine qatysty ja'ne osy jer telimderin bo'ly'di qarastyratyn jer komi'ssi'asynyn' qyzmeti jai'ly si'frlyq aqparat boly'y ti'is. Qai' jer kimdiki, qai' jer telimi bos ekendigi osy arqyly as'yq ko'rinip tury'y ti'is. Osylai's'a ka'sipkerler a'kimdikterdin' tabaldyryg'yn tozdyrmai', s'es'imdi onlai'n tu'rde qabyldai' alady.

Jaqsy mysal keltirei'in, Qyzylorda oblysynda Ka'sipkerlerge qyzmet ko'rsety' ortalyg'y arqyly ka'sipker jer telimderi jai'ly ma'limetti, i'njenerlik jelilerge qosyly'g'a qatysty barlyq tehni'kalyq talaptar jo'nindegi aqparatty u's' ku'n is'inde alady. Bul on' ta'jiri'beni barlyq o'n'irlerde de engizgen jo'n.

Sonymen qatar, i'nsti'ty'si'analdyq ja'ne qurylymdyq reformalar basty basymdyqta boly'y ti'is.

Sondyqtan da sybai'las jemqorlyqty tu'begei'li joi'y'dag'y kelesi qadam — barlyq memlekettik qyzmetterdi si'frlyq ju'i'ege ko's'iry'. Og'an qosa o'z isin jetik biletin, ka'sibi' mamandardan quralg'an, ka'sibi'ligine sai' ti'isti en'bekaqysy qarastyrylg'an yqs'amdalg'an memleket apparaty boly'y ti'is. Ka'sipkerler salyq to'ley's'i retinde sapaly qyzmet alg'andy qalai'dy.

2018 jyly ko'lemdi reformalay' ai'asynda bi'zneske qatysty memlekettik 540 baqylay'-qadag'alay' fy'nksi'asynyn' 137-si alynyp tastaldy, bi'znesti teksery'ge qatysty 17 myn' talap, i'ag'ni' 56% qysqardy, teksery's'iler s'tatynyn' bir myn'g'a jy'yg'y qysqardy.

Bul saladag'y endigi qadam – baqylay'dy avtomattandyry', i'ag'ni' bul ju'i'eni tek zan' buzy's'ylarg'a bag'yttay'. Sondai'-aq memlekettik fy'nksi'alardy o'zin-o'zi rettei'tin ui'ymdarg'a bery' jolynda da jumys ju'rgizily'de.

Na'ti'jesinde memlekettik organdardag'y s'tat sany a'li de qysqarmaq. Mysaly, da'l qazir 14 mi'ni'strlikke qarasty 45 komi'tet bar bolsa, a'rbir a'kimdikte 26 basqarmadan bar.

Bul qans'a ay'yr bolsa da na'ti'je beretin qajetti qadam. Osynyn' arqasynda mi'ni'strlikter men a'kimdikterdegi nag'yz ka'sibi' mamandarg'a en'begine lai'yqty jalaqy tag'ai'yndalyp, qag'azbastylyqtan aryly'g'a bolady. Bul ko'ptegen damyg'an memleketterdin' ta'jiri'besinde da'leldengen. Mysaly, S'vesi'a men Si'ngapy'rde jemqorlyqpen ku'res

memlekettik qyzmetkerlerdin' ai'lyg'yn naryqtag'y mamandar en'bekaqysynan ai'tarlyqtai' ko'tery'den bastag'an.

Jemqorlyqqa qarsy BUU konvensi'asynda ko'rsetilgendei', zan'syz jolmen bai'yg'an memlekettik qyzmetkerlerdi qylmystyq jazag'a tarty' ma'selesin de qarastyrg'an jo'n. Eger memlekettik qyzmetker nemese onyn' otbasy mu's'eleri tabystaryn rastai' almasa – bul zan'syz tabys retinde sanalady.

Yqs'amdalg'an memlekettik apparattan bo'lek, ekonomi'kag'a memlekettin' qatysy'yn baryns'a to'mendety'di umytpag'an jo'n.

Jekes'elendiry' jari'alang'anymen, alg'a qoi'g'an mindetter qajetti den'gei'de oryndalmay'da. Jekes'elendiry'din' ekins'i qarqyny ai'asynda 321 mlrd ten'gege nysandar satylg'an, biraq, tek «Samuryq-Qazynanyn'» akti'vteri 25 trln ten'geni qurai'dy. Memlekettik kompani'alardyn' i'eliginin' s'ag'yn g'ana bo'ligin jeke i'nvestorlarg'a saty' son'y olardyn' ekonomi'kadag'y ro'linin' to'mendey'ine a'kelmei'tini anyq. Sebebi, baqylay' paketi memleket qaramag'ynda qala beredi.

Qazir memlekettik kompani'alardyn' 348 bag'ytta jumys istey'ge ruqsaty bar. Ko'binese memlekettik ka'siporyndar ekonomi'kanyn' ba'sekege qabiletti salarynda, ai'tar bolsaq logi'sti'ka, tasymalday', say'da salasy sekildi bag'yttarda bolyp otyr.

Sondyqtan da jekes'elendiry' ju'rgizilgenimen memlekettik sektordyn' ti'imsiz akti'vteri o'sy'de. Qarjy mi'ni'strliginin' aqparatyna qarasaq, 6,6 myn' kvazi'memlekettik sy'bekti (AQ, JS'S, memlekettik mekemeler) ka'sipkerlikpen ai'nalysy'da.

Memleketke zan'nama arqyly ruqsat etilgen bag'yttar tizimderinin' sanyn keminde 2 esege qysqarty' kerek.

Osylardy esepke ala otyryp 2019 jyldyn' s'ildesine dei'in memleket i'eliginde qalatyn respy'bli'kalyq kommy'naldyq, kvazi'memlekettik ui'ymdardyn' s'ekti tizimi jasaly'y kerek. Jeke bi'znes ai'nalysa alatyn barlyq bag'yt, ba'sekege qabiletti ortag'a tu'sy'i ti'is. Al, qalg'an ui'ymdarg'a qatysty a'r nysannyn' merzimin ko'rsete otyryp, jekes'elendiry' josparyn jasay' kerek.

Sezd barysynda Memleket bass'ysy memlekettik bag'darlamalardyn' ju'zege ti'imdi asy'yn ja'ne Ulttyq qor men bi'y'djetti qadag'alai'tyn memlekettik ja'ne qog'amdyq i'nsti'ty'ttardyn' janjaqty baqylay'ynyn' qajet ekenine asa nazar ay'dardy.

Osy maqsatta jumys ti'imdiligin bag'alay' ja'ne memlekettik bag'darlamalar men reformalardy baqylai'tyn ortalyq qury'g'a tapsyrma berdi.

“Atameken” memlekettik emes ui'ym retinde atalmys' ortalyqtyn' jumysyna atsalysy'g'a dai'yn.

Biz U'kimetpen, barlyq den'gei'degi a'kimdiktermen birlese otyryp, bul s'aralardy ju'zege asyry'g'a a'zirmiz. Bizdin' aldymyzda turg'an maqsat ortaq. Bul maqsat — halyqtyn' turaqty tabysyn arttyry', jan'a jumys oryndaryn qury' men s'ag'yn ja'ne orta bi'znesti damyty'.

Birlesip atqarar jumys el ekonomi'kasyna, halyqtyn' a'ley'mettik jag'dai'ynyn' ko'terily'ine on' a'serin ti'gizetinine senimim mol!

Almaty oblysy Ka'sipkerler palatasynyn' baspaso'z qyzmeti

Bo'lisy'
Share on FacebookTweet about this on TwitterEmail this to someoneShare on VK