Taldyqorg'andag'y qurylysy ai'aqtalmag'an ko'pqabatty qonaq u'i' 280 oryndyq sty'dentter jataqhanasyna ai'nalady. G'i'marat arnai'y saraptamadan o'tip, jobalyq-smetalyq qujaty tag'ai'yndaldy, — dep habarlai'dy QazAqparatqa silteme jasag'an taldykorgan-online.kz

2020 jylg'a dei'in Almaty oblysynda 2 000 sty'dentke arnalg'an 10 s'aqty jataqhana salynady. Qazirgi tan'da 1 y'ni'versi'tet pen 8 kolledj sty'dentterine baspana qajet. Olqylyqtyn' ornyn toltyry' maqsatynda 7 oqy' ornyna arnalg'an jataqhanalardyn' jobalyq-smetalyq qujaty dai'yndaldy. Bir jataqhana ku'rdeli jo'ndey'den o'tedi. Sondai'-aq, sty'dentter baspanasynyn' qurylysy ai'aqtalg'ans'a olardy jatyn oryndarymen qamtamasyz ety' maqsatynda qosyms'a g'i'marattar satyp aly' qarastyrylg'an.

«Jataqhana qurylysy bastalyp, ary qarai' ai'aqtalg'ans'a ku'tip turmai'myz g'oi'. Sol u's'in oblys a'kimi arnai'y tapsyrma berdi. Dai'yn turg'an g'i'marattardy satyp aly' arqyly jastarg'a jag'dai' jasalady. Nysandardy jataqhanag'a ai'naldyry' maqsatynda jol kartasy a'zirlendi», — dei'di Almaty oblystyq bilim basqarmasy bass'ysynyn' orynbasary Gu'lsara I'sag'ulova.

Al Taldyqorg'andag'y I. Jansu'girov atyndag'y Jetisy' memlekettik y'ni'versi'teti o'z qarjysyna 250 oryndyq zamanay'i' eki jataqhananyn' jobasyn a'zirlep qoi'dy. A'mbebap sty'dentter u' i'inde a'r bo'lmede o'z as u'i'i, jy'ynatyn bo'lmesi bolyp, barlyq qajet ji'haz ja'ne turmystyq tehni'kamen qamtylatyn bolady.

Oqy' ornynyn' ta'rbi'e jumysy ja'ne a'ley'mettik ma'seleler jo'nindegi prorektordyn' ai'ty'yns'a bi'yl y'ni'versi'tet janynan kolledj as'yldy. Demek sty'dentter sany artyp, jataqhana oryndaryna suranys artady. Qazir jataqhana salynatyn jer anyqtalyp, barlyq qujattar dai'yndaldy. Jan'a ti'ptegi jataqhanalarda bir bo'lmede eki sty'dentten ornalasatyn bolady.

Bo'lisy'
Share on FacebookTweet about this on TwitterEmail this to someoneShare on VK