Jyldyn' u'zdik mug'alimderi

0
56
D,Sag'yndyqovtyn' fotosy

Oblys a'kiminin' qolday'ymen jyl sai'yn mug'alimder arasynda pedagogi'kalyq bai'qay'lar o'tkizilip keledi. Solardyn' is'indegi en' man'yzdysy – «Jyldyn' u'zdik mug'alimi» bai'qay'y.  Almaty oblystyq bilim basqarmasynyn' ui'ymdastyry'ymen Taldyqorg'an qalasyndag'y №14 orta mektep-gi'mnazi'asynyn' qabyrg'asynda o'tken mug'alimderdin' eki ku'ndik biliktilik sai'ysyna ay'dandyq-qalalyq bai'qay'lardyn' jen'impazy atang'an 25 ustaz qatysty.

Eki ku'ndik bai'qay'da mug'alimder to'rt kezen' boi'yns'a baq synady.  Bai'qay' qatysy's'ylary «SMART-pedagog», «Bilim bery'degi menin' i'nnovasi'am», «S'yg'armas'ylyq tanystyrylym: «Menin' pedagogi'kalyq kredom», «I'mprovi'zasi'alyq tapsyrma» kezen'derinen o'tti.

Jalpy bai'qay' barysynda bai'qag'anymyz, bilim basqarmasy tarapynan qatysy's'ylarg'a qoi'ylar talap jog'arylai'  tu'skendikten bolar, s'aranyn' man'yzy da artyp keledi. Bai'qay'da ustazdyn' o'zindik s'eberligi men jan'a tehnologi'any qoldana bily'imen qatar oqy's'ylarmen qarym-qatynas jasay'y men toptyq jumysty ui'ymdastyry'y, avtorlyq bag'darlamasynyn' boly'yna da ereks'e nazar ay'daryldy.

Atalmys' synda osyndai' talaptardan s'yg'yp, pedagogi'kalyq s'eberligin jan-jaqty tanyta bilgen Jambyl ay'danyndag'y A'set Bei'sey'ov atyndag'y orta mekteptin' bastay'ys' synyp mug'alimi Alma Mahanova 1-oryndy jen'ip aldy. Ji'yrma bes jyldyq en'bek o'tili bar ta'jiri'beli maman oqyty'dyn' ozyq tehnologi'alaryn s'eber qoldanyp, sabaqty mazmundy o'tkize bily'imen ereks'elengen. Sondai'-aq, avtorlyq bag'darlama jasap, onlai'n-test quryp, g'alamtorda jari'alap tury'ymen de a'riptesterinen oq boi'y ozyq s'yqqan.

Al, ekins'i oryng'a Taldyqorg'an qalasynyn' eki birdei' ustazy lai'yq dep tanyldy. Olar  – M. Aryn atyndag'y u's' tilde oqytatyn №24 daryndy balalarg'a arnalg'an arnay'ly li'sei'inin' geografi'a pa'ninin' mug'alimi Ai'gerim Erkinbekova, B. Jolbarysuly atyndag'y №18 orta mektep-li'sei'inin' ag'yls'yn tilinin' mug'alimi Ai'nur Karaneeva. U's'ins'i oryndy da u's' birdei' ustaz ten' bo'listi. Taldyqorg'an qalasyndag'y №20 daryndy balalarg'a arnalg'an u's' tilde oqytatyn arnay'ly li'sei'inin' mug'alimi Margari'ta Ani'si'mova, Tekeli qalasyndag'y №4 orta mekteptin' ustazy G'ali'a Tu'stikbaeva, Aqsy' ay'danyndag'y Q. Sa'tbaev atyndag'y orta mektep-gi'mnazi'anyn' mug'alimi A'diljan Syzdyqbaev  bi'ik tug'yrdan ko'rindi.

Sondai'-aq, Jambyl ay'dany, Qarg'aly №2 arnay'ly gi'mnazi'asynyn' mug'alimi Olga Olefi'r «Kreati'vti mug'alim»,  Alako'l ay'dany, Jylandy orta mektep-li'sei'inin' ustazy Qali'bai' A'dilg'azy «Quzyretti ustaz», Ui'g'yr ay'dany, №1 S'onjy orta mektebinin' mug'alimi Gu'lsanam I'smai'lova «Pedagog zerttey's'i», Qaratal ay'dany, J. Moldag'ali'ev atyndag'y orta mektep mug'alimi Erlan Dandybaev pen Ko'ksy' ay'dany, N. Aldabergenov atyndag'y orta mekteptin' ustazy Janna Ky's'agenova  «Izdeny's'i pedagog» nomi'nasi'asyn i'elendi.

Bai'qay'dy oblystyq a'distemelik kabi'nettin' men'gery's'isi Aly'a Qabdolova qorytyndylady. S'arag'a qatysqan ustazdarg'a oblystyq bilim basqarmasynyn' Alg'ys haty tabys etti. Al, jen'impazdar qazan ai'ynda o'tetin mug'alimderdin' ka'sibi' merekesinde oblys a'kiminin' ja'ne bilim basqarmasynyn' arnai'y syi'lyg'ymen marapattalatyn bolady.

 

Bo'lisy'
Share on FacebookTweet about this on TwitterShare on VKPrint this page

JAY'AP QALDYRY'

Please enter your comment!
Please enter your name here