Jyr alyby Jambylg'a jan'a eskertkis' ornatyldy

0
253
Derekko'z

Bu'gin Almaty oblysy Jambyl ay'danynyn' ortalyg'y Uzynag'as' ay'ylynda “Ry'hani' jan'g'yry'” bag'darlamasy s'en'berinde jyrs'y, jyray' Jambyl Jabaevtyn' en'seli eskertkis'i as'yldy. Onyn' saltanatty as'yly'yna ay'dan jurts'ylyg'y men ardagerleri qatysyp, oblys a'kimi Amandyq Batalov arnai'y bardy, — dep habarlai'dy taldykorgan-online.kz Almaty oblys a'kiminin' baspaso'z qyzmetine silteme jasap.

Oblys a'kimi A. Batalov o'z quttyqtay'ynda: — “Ry'hani' jan'g'yry'” bag'darlamasy ai'asynda jastarg'a u'lgi bolarlyq u'lken jumystar atqaryly'da. Bu'gin Uly babamyz, maqtanys'ymyz Jambyl aqynnyn' en'seli eskertkis'i mesenattardyn' qolday'ymen, A'skerbek Abaev ag'amyz bastag'an azamattardyn' ui'ytqy boly'ymen as'yldy. Osyndai' eskertkis'ti en' aldymen Astana qalasynda, kei'in Ki'evte, Belgradta ornattyq. Bu'gin, mine, demey's'ilerdin' ko'megimen Jambyl ay'danynda jalg'asyp otyr. Elbasynyn' «Ry'hani' jan'g'yry'» bag'darlamasy osyndai' i'gi isterge u'lken serpin berdi. Qarasai', Alako'l ay'dandarynda, Taldyqorg'anda osy bag'ytta iri-iri jobalar qolg'a alynyp jatyr. Onyn' is'inde dene s'ynyqtyry' – say'yqtyry' kes'enderi, oli'mpi'adalyq standartpen salynatyn bassei'n, jen'il atleti'ka maneji si'aqty sport nysandary bar. Mundai' bastamalar barlyq ay'danda atqaryla bastady. Jy'yrda oblysqa kelgen saparynda Elbasymyz o'n'irdegi atqarylyp jatqan isterge on' bag'a berdi. Osy berilgen bag'ada Jambyl ay'dany halqynyn' u'lesi zor dep bilemin. Birligimiz bekem bolsyn, babamyzdyn' eskertkis'i qutty bolsyn, — dedi. Sonymen qatar oblys bass'ysy o'z so'zinde ay'yldyn' joldaryn jo'ndey'ge, abattandyry'g'a qolday' ko'rsetilip otyrg'anyn da tilge ti'ek etti.

Munan son' “Ty'g'an jerge tag'zym” qorynyn' to'rag'asy A'skerbek Abaev so'z aldy.
— Ay'dannyn' Qastek ay'dany bolyp qurylg'anyna 90 jyl, Jambyl atay'y berilgenine 80 jyl tolyp otyr. Osy merei'li datag'a orai' ay'dan ortalyg'yna Jambyl baba eskertkis'in ornaty' ty'raly ko'ps'ilik bastama ko'terip, ay'dandyq ma'sli'hat depy'tattary usynys ai'typ, bul usynys oblys bass'ysy tarapynan qolday' tapty. So'i'tip “Ty'g'an jerge tag'zym” qory quryldy. Qorg'a qarjy ji'naqtap, osy eskertkis'tin' as'yly'yna ui'ytqy bolg'an azamattarg'a, qolday' bildirgen oblys bass'ylyg'yna alg'ys ai'tamyn,- dedi A'.Abaev. Osy mazmundas izgi tilegin tun'g'ys' Oli'mpi'ada c'empi'ony, ka'sipker Jaqsylyq U's'kempirov te arnady.

Quttyqtay' tilekterden son' eskertkis'tin' jaby'y as'ylyp, s'as'y' s'as'ylyp, saltanat ay'dan o'nerpazdarynyn' konsertine ulasty. Esterin'izge salar bolsaq, aqynnyn' qolynda dombyrasyn ustap turg'an en'seli eskertkis'inin' avtory – Qazbek Jarylg'apov. Qola mu'sin “Ty'g'an jerge tag'zym” qog'amdyq qorynyn' qarjysyna turg'yzylg'an. “Aqyndar men batyrlar eli” parkimen birge tutas kes'endi qurap turg'an eskertkis' Uzynag'as'tyn' kire berisinde ornatylg'an. Bul parktin' qurylysyn “Arnai'y qurylys kompani'asy” JS'S ju'rgizip, bul jumystarg'a qordyn' 60,4 mln. ten'gege jy'yq qarjysy jumsalg'an.

Bo'lisy'
Share on FacebookTweet about this on TwitterShare on VKPrint this page

JAY'AP QALDYRY'

Please enter your comment!
Please enter your name here