Erkin ku'resten jastar arasynda respy'bli'kalyq ty'rni'r bastaldy

0
136
Ai'dyn Nurs'anovtyn' fotosy

Bu'gin QR-nyn' en'bek sin'irgen jattyqtyry's'ysy, halyqaralyq da'rejedegi sport s'eberi ja'ne KSRO c'empi'ony Amanjol Bug'ybaevtyn' ju'ldesine arnalg'an erkin ku'resten jastar arasynda respy'bli'kalyq ty'rni'r bastaldy, — dep habarlai'dy taldykorgan-online.kz

Atalmys' jarys jetisy' Jerinde tun'g'ys' ret jalay'yn jelbiretip otyr. Ty'rni'rge on eki oblystan 200-ge tarta baly'an kelip, o'zara myqtylaryn anyqtay'da. Jarys s'ymyldyg'yn Almaty oblysy a'kiminin' orynbasary Jaqsylyq Omar, QR-nyn' ulttyq Oli'mpi'ada komi'tetinin'  o'kili Alpysbai' A'dilbek ja'ne oblystyq sport basqarmasynyn' bass'ysy Turatbek S'arapi'ev as'ty.

Saltanatty s'arada so'z alg'an Jaqsylyq Muqas'uly ardager sports'y jai'ynda oramdy oi'laryn ai'typ, atalmys' ty'rni'rdyn' man'yzdylyg'yna toqtaldy. – Qurmetti sport su'i'er qay'ym ja'ne jarys qatysy's'ylary! Oblys ortalyg'y Taldyqorg'an qalasynda o'tip jatqan ty'rni'rge qos' keldin'izder! Amanjol Bug'ybaevty qazaq sportynyn' tari'hynda esimi altyn a'rippen jazylg'an biregei' tulg'a dep ai'ty'g'a tolyq negiz bar. O'i'tkeni, ag'amyzdyn' boi'yndag'y bula ku's', erik pen jiger qazaq degen halyqtyn' a'lemdik arenalarda tanyly'yna u'lken sebep boldy. Bu'gingi dodag'a tu'skeli otyrg'an barlyq baly'andarg'a sa'ttilik tilei'min. En' myqty degender jen'iske jetsin, — dedi. Artyns'a, a'kim orynbasary ardager sports'ynyn' i'yg'yna s'apan jay'yp, lai'yqty qurmetin ko'rsetti.

Al, o'z kezeginde so'z alg'an Alpysbai' Ybyrai'ymuly ty'rni'rdin' ma'rtebesi bi'ik bolsyn dep aq tilegin aqtarsa, QR-nyn' en'bek sin'irgen qai'ratkeri, Almaty oblysynyn' qurmetti azamaty Amanjol Ku'nbolatuly jarystyn' jog'ary den'gei'de o'ty'ine ui'ytqy bolg'an barlyq ui'ymdastyry's'ylarg'a ja'ne en'begin bag'alap, a'spettep ko'kke ko'terip otyrg'an halqyna o'z ri'zas'ylyg'yn bildirdi.

Ai'ta ketei'ik, «Jastar» sport kes'eninde o'tip jatqan jarys eki ku'nge jalg'asady.

Bo'lisy'
Share on FacebookTweet about this on TwitterShare on VKPrint this page

JAY'AP QALDYRY'

Please enter your comment!
Please enter your name here