Nursultan Nazarbaev «Jan'a gy'mani'tarlyq bilim. Qazaq tilindegi 100 jan'a oqy'lyq» jobasy ai'asynda s'yg'arylg'an kitaptardy tanystyry' ra'simine qatysty

1
283
Aqorda

Is-s'arada Memleket bass'ysyna ry'hani' jan'g'yry' bag'darlamasyn iske asyry' ai'asynda ay'darylyp, basyp s'yg'arylg'an 18 oqy'lyq tanystyryldy.

Elbasy «Bolas'aqqa bag'dar: ry'hani' jan'g'yry'» atty bag'darlamalyq maqala qazaqstandyqtar tarapynan ken' qolday'g'a i'e bolg'anyn ai'typ, onyn' jekelegen bag'yttary boi'yns'a atqarylg'an jumystardyn' na'ti'jelerine toqtaldy.

– Barlyq o'n'ir «Ty'g'an jer», «Ki'eli jerlerdin' geografi'asy» ja'ne «100 jan'a esim» jobalaryna atsalysyp jatyr. Bir jyl is'inde mesenattar qarajaty esebinen a'ley'mettik i'nfraqurylymdy damyty'g'a ondag'an mi'lli'ard ten'ge bo'lindi. 700-den astam ma'deni'et eskertkis'teri jo'ndelip, qai'ta qalpyna keltirildi. Ju'zdegen g'ylymi' ekspedi'si'alar ui'ymdastyryldy, – dedi Qazaqstan Prezi'denti.

Nursultan Nazarbaev qazaq tilinin' jan'a a'lipbi'in talqylay' u'derisi birtutas qog'amymyzdyn' kemeldengenin tanytatyn tari'hi' qadamg'a ai'nalg'anyn atap o'tti.

Memleket bass'ysy ry'hani' jan'g'yry' ai'asyndag'y jumystardyn' man'yzdylyg'yna toqtalyp, «100 jan'a oqy'lyq» jobasynyn' jas urpaqqa bilim bery' isindegi ro'li zor ekenin ai'tty.

– Jastarymyz jog'ary g'ylymi' standarttarg'a sa'i'kes bilim aly'g'a ti'is. Sondyqtan biz 800 kitaptan turatyn u'zdik oqy'lyqtardyn' ay'qymdy tizimin a'zirledik. Ulttyq ay'darma bi'y'rosy qurylyp, jumysyna kiristi. Biz bu'gin alg'as'qy 18 kitaptyn' tanystyrylymyna ji'nalyp otyrmyz, – dedi Elbasy.

Qazaqstan Prezi'denti bul s'aranyn' bu'kil a'ley'mettik-gy'mani'tarlyq sala u's'in man'yzdy ekenin ai'typ, onyn' birqatar ereks'elikterin atap o'tti.

– Bu'gingi alg'as'qy zi'atkerlik trans' AQS', Resei', Ulybri'tani'a, Fransi'a ja'ne S'vei'sari'a si'aqty aldyn'g'y qatarly elderdin' en' u'zdik g'ylymi' en'bekterin qamti'dy. Bul kitaptarmen tanysy'g'a mu'mkindik alg'an jastarymyz ko'p emes, – dedi Nursultan Nazarbaev.

Memleket bass'ysy usynylg'an kitaptar qazaq tiline tu'pnusqadan ay'darylg'anyn ai'tty.

Elbasy bu'gingi is-s'ara ry'hani' jan'g'yry' bag'darlamasynyn' jan'a kezen'in bastai'tynyn atap o'tti.

– Bul – ay'qymdy ensi'klopedi'alyq izdenis arqyly adamzat damy'ynyn' ko'kji'egine jol as'atyn kezen'. Bu'ginde zi'atkerlik damy' u'derisinen ty'yndag'an tyn' serpinnin' arqasynda ry'hani' revoli'y'si'a bastay' alyp keledi, – dedi Qazaqstan Prezi'denti.

Nursultan Nazarbaev qazirgi jag'dai'da a'lemnin' damy'y ko'bine i'njenerlik g'ylymnyn' a'ley'etimen anyqtalatynyna nazar ay'daryp, ozyq tehnologi'alardy pai'dalany'dyn' maqsattaryn ug'yny' man'yzdy ekenin ai'tty.

– G'ylymi' tanym – zamanay'i' ulttyn' ba'sekege qabiletti boly'ynyn' basty s'arty. Jan'a oqy'lyqtar bilimnin' nag'yz ensi'klopedi'asy bolyp sanalady. Bu'ginde oqy' a'disi g'ana emes, sondai'-aq onyn' mazmuny da man'yzdy. Osyg'an orai' «Ry'hani' jan'g'yry'» bag'darlamasy bes jylg'a arnalg'an jalpyulttyq bilim bery' isin ju'zege asyry'g'a mu'mkindik beredi, – dedi Memleket bass'ysy.

Elbasy a'lemdik ta'jiri'bede mundai' kes'endi bag'darlamanyn' iske asyryly'y si'rek kezdesetinin atap o'tti.

– Jan'a oqy'lyqtar – ekskli'y'zi'vti gy'mani'tarlyq kitaphana. Bul oqy'lyqtar ko'ps'ilik u's'in kitap tu'rinde, elektrondyq onlai'n nusqasynda ja'ne u'zdik lektorlardyn' as'yq da'risterinin' vi'deotekasy si'aqty u's' formatta qol jetimdi bolmaq. Kitaptar latyn qarpinde basyp s'yg'arylg'annan kei'in, olardy s'etelde turatyn jastarymyz da oqi' alatyn bolady, – dedi Qazaqstan Prezi'denti.

Nursultan Nazarbaev jobany iske asyry'dyn' arqasynda Qazaqstanda ay'darma isinin' jan'a ma'deni'eti qalyptasqanyn atap o'tti. Budan bo'lek, Qazaqstan Prezi'denti elimiz ben qog'amymyzdyn' ba'sekege qabilettiligin arttyry' faktorynyn' man'yzdylyg'y jo'ninde ai'tty.

– «Ry'hani' jan'g'yry'» bag'darlamasy jastarymyzdyn' bolas'ag'y u's'in iske asyryly'da. Osy orai'da, o'skelen' urpaqtyn' ony ju'zege asyry'g'a belsendi tu'rde atsalysqany asa man'yzdy. Biz bu'gin ta'y'elsizdik jyldary qalyptasqan g'ylymi'-kadrlyq a'ley'metimizdin' zor ekenine tag'y da ko'z jetkizdik, – dedi Memleket bass'ysy.

Elbasy u's'tildilik qag'i'datyn saqtay'dyn' man'yzdylyg'yna toqtalyp, bi'yl birnes'e s'eteldik oqy'lyqty orys tiline de ay'dary' ma'selesin qarastyry'dy tapsyrdy.

Kezdesy' son'ynda Nursultan Nazarbaev Qazaqstan U'kimeti men Ulttyq ay'darma bi'y'rosyna birqatar naqty tapsyrma berdi.

– Birins'iden, 2018 jylg'a josparlang'an 30 kitaptyn' a'ri qarai' sapaly ay'daryly'yn ja'ne basylyp s'yg'y'yn qamtamasyz ety' kerek. Qarjylandyry' y'aqtyly a'ri tolyq bo'liny'ge ti'is. Kelesi jyly ay'darylady dep josparlang'an oqy'lyqtar o'z y'aqytynda iriktelip, talday'dan o'tkizily'i kerek. Ekins'iden, bul oqy'lyqtardy bilim bery' u'derisine ti'imdi tu'rde engizy' – man'yzdy mindetterdin' biri. Osy oqy'lyqtar boi'yns'a oqytylatyn pa'nder jan'a oqy' jylynyn' bilim bery' bag'darlamalaryna engizily'i qajet. U's'ins'iden, g'ylymi' ta'jiri'bede qoldanylatyn barlyq termi'nderdi ju'i'elendirip, gy'mani'tarlyq ja'ne ekonomi'kalyq leksi'kanyn' jan'a tu'sindirme so'zdigin s'yg'ary'dy tapsyramyn, – dedi Nursultan Nazarbaev.

Sonymen qatar, Qazaqstan Prezi'denti y'a'kiletti memlekettik organ men Qazaqstan U'kimeti tarapynan jobanyn' sapaly ju'zege asyryly'yna ti'isti baqylay' jasay'dy tapsyrdy.

– To'rtins'iden, oqy'lyqtar ka'dimgi kitaptar si'aqty basylyp s'yg'y'y kerek. Sonymen qatar onlai'n bilim bery' isin damyty' qajet. Qazir damyg'an elderde vi'rty'aldy y'ni'versi'tetter bar. «Qazaqstannyn' as'yq y'ni'versi'teti» jan-jaqty qolday' taby'y kerek. As'yq leksi'alar vi'deotekalarynyn' ja'ne solardyn' negizinde dai'yndalatyn oqy'lyqtardyn' sapasyn qadag'alay'g'a ereks'e nazar ay'dary' qajet. Besins'iden, «100 jan'a oqy'lyq» jobasy g'ylymi' ay'darma mektepterin damyty' isinde man'yzdy ro'l atqarady. Sondyqtan ay'darma salasynda ta'jiri'benin', bilimnin' ja'ne ka'sibi' dag'dynyn' ju'i'eli damy'yn qamtamasyz ety' kerek, – dedi Memleket bass'ysy.

                                                                                                 www.akorda.kz

Bo'lisy'
Share on FacebookTweet about this on TwitterShare on VKPrint this page

1 Pikir

JAY'AP QALDYRY'

Please enter your comment!
Please enter your name here